ఈ మధ్యకాలంలో వివాదాలకు కేరాఫ్ అడ్రస్‌గా ఉంటూ సంచలనం సృష్టిస్తున్న బాలీవుడ్ ఫైర్ బ్రాండ్ .. ఇందిరా గాంధీగా ప్రేక్షకుల ముందుకు రావడానికి రెడీ అవుతోంది. హీరోయిన్ ఓరియెంటెడ్ సినిమాలపై ఎక్కువగా ఇంట్రెస్ట్ చూపుతున్న ఆమె, ఇటీవలే తమిళనాడు మాజీ ముఖ్యమంత్రి దివంగత జయలలిత జీవితకథతో రూపొందిన 'తలైవి' సినిమాలో లీడ్ రోల్ పోషించిన సంగతి తెలిసిందే. ఈ క్రమంలోనే తాజాగా మరో పవర్‌ఫుల్ పొలిటీషియన్, మాజీ ప్రధాని ఇందిరా గాంధీగా కనిపించబోతున్నట్లు కంగనా పేర్కొంది. పాత్ర పోషిస్తుండటం గురించి స్పందించిన కంగనా ఆసక్తికర వ్యాఖ్యలు చేసింది. ప్రస్తుతం ఈ మూవీ స్క్రిప్ట్‌ తుది దశలో ఉందని, అయితే ఇది ఇందిరా గాంధీ బయోపిక్ మాత్రం కాదని ఆమె చెప్పింది. రాజకీయ చరిత్ర, పొలిటికల్ డ్రామాగా మీ ముందుకు రాబోతున్న ఈ సినిమాలో పవర్‌ఫుల్ లేడీ ఇందిరా గాంధీ పాత్రతో పాటు లాల్ బహదూర్ శాస్త్రి, సంజయ్ గాంధీల పాత్రలు కూడా కనిపిస్తాయని కంగనా చెప్పడంతో అందరి దృష్టి ఈ సినిమాపై పడింది. భారతీయ రాజకీయ చరిత్రలో కీలకమైన ఎమర్జెన్సీ, ఆపరేషన్ బ్లూస్టార్ లాంటి ఘటనలతో ఈ సినిమా రూపొందుతున్నట్లు తెలుస్తోంది. ఏదేమైనా ఇందిరా గాంధీ లాంటి పవర్‌ఫుల్ లేడీ పాత్రను ఫైర్ బ్రాండ్ కంగనా పోషిస్తుందని తెలియడంతో.. ఇంతకీ ఈ చిత్రంలో ఏం చూపించబోతున్నారు? అనే చర్చలు మొదలయ్యాయి. మరికొద్ది రోజుల్లో చిత్రానికి సంబంధించిన పూర్తి వివరాలు తెలియనున్నాయి.
from Telugu Movie News | Movie News in Telugu | Movie Gossips in Telugu https://ift.tt/3r4isbQ
No comments:
Post a Comment