జక్కన్న రాజ‌మౌళి ద‌ర్శ‌క‌త్వంలో యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ హీరోలుగా రూపొందుతోన్న మోస్ట్ అవెయిటింగ్ మూవీ ఆప్ ఇండియా RRR. నిజానికి ఈ శుక్ర‌వారం(అక్టోబ‌ర్ 29)రోజున ఈ సినిమా నుంచి ముప్పై, న‌ల‌భై సెక‌న్ల పాటు గ్లింప్స్‌ను విడుద‌ల చేయాల‌ని చిత్ర యూనిట్ భావించింది. అయితే క‌న్న‌డ స్టార్ హీరో పునీత్ రాజ్‌కుమార్ ఆక‌స్మాత్తుగా చ‌నిపోవ‌డంతో కార్య‌క్ర‌మాన్ని వాయిదా వేశారు. ఈ విష‌యాన్ని ట్విట్ట‌ర్ ద్వారా చిత్ర యూనిట్ ప్ర‌క‌టించింది. అయితే తాజాగా గ్లింప్స్‌ను ఆదివారం అంటే న‌వంబ‌ర్ 1న ఉద‌యం 11 గంట‌ల‌కు విడుద‌ల చేయ‌బోతున్న‌ట్లు చిత్ర యూనిట్ ప్ర‌క‌టించింది. ఈ గ్లింప్స్ 45 సెక‌న్ల పాటు ప్రేక్ష‌కుల‌ను మెప్పించ‌నుంది. ‘బాహుబ‌లి’ త‌ర్వాత రాజ‌మౌళి ద‌ర్శ‌క‌త్వంలో రూపొందుతోన్న సినిమా కావ‌డంతో ఎంటైర్ ఇండియ‌న్ మూవీ ఇండ‌స్ట్రీ ఆస‌క్తిగా ఎదురుచూస్తుండ‌గా.. టాలీవుడ్ స్టార్ హీరోలైన యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ కాంబినేష‌న్ మూవీ కావ‌డంతో ఇటు మెగా ఫ్యాన్స్‌, అటు నందమూరి ఫ్యాన్స్‌తో పాటు టాలీవుడ్ ప‌రిశ్ర‌మ అంతా ఎదురుచూస్తుంది. అగ్ర న‌టీన‌టులు చేసిన సినిమా కావ‌డంతో సినిమా క‌లెక్ష‌న్స్ ప‌రంగా ఎలాంటి సంచ‌నాల‌కు తెర తీస్తుందోనిన ట్రేడ్ వ‌ర్గాలు ఎదురుచూస్తున్నాయి. ఇంత మందిలో ఆస‌క్తి పెంచుతోన్న ఈ సినిమా వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న రావ‌డం ప‌క్కా అయ్యింది. ఇప్ప‌టికే క‌రోనా దెబ్బ‌కు రెండు, మూడు సార్లు సినిమా విడుద‌ల వాయిదా ప‌డింది. కానీ ఈసారి మాత్రం డేట్ ఫిక్స‌యిపోండ‌ని జక్కన్న అంద‌రికీ చెప్పేశాడ‌ట. నిర్మాణానంత‌ర కార్య‌క్ర‌మాలు జ‌రుగుతున్నాయి. మ‌రో వైపు ద‌ర్శ‌క ధీరుడు రాజ‌మౌళి RRR ర‌న్ టైమ్‌ను లాక్ చేశాడ‌ట. సినిమా ర‌న్ టైమ్ 2 గంట‌ల 45 నిమిషాల‌ని న్యూస్ నెట్టింట హ‌ల్ చ‌ల్ చేస్తోంది. ఇప్పుడున్న పరిస్థితుల్లో సినిమా రెండున్నర గంట‌లు ఉంటేనే ఎక్కువ. కానీ.. రాజ‌మౌళి త‌న సినిమాకు 165 నిమిషాలు ఫిక్స్ చేయ‌డం టాక్ ఆఫ్ ది టౌన్‌గా మారింది. ఒక‌వైపు రాజ‌మౌళి తుది మెరుగులు దిద్దే ప‌నిలోఉంటూనే RRRను ప్ర‌మోట్ చేయ‌డంలో బిజీగా ఉంటున్నారు. సినిమా మ‌రింత ఎఫెక్టివ్‌గా ఆడియెన్స్‌కు క‌నెక్ట్ కావాల‌ని జక్కన్న తీవ్రంగా యోచిస్తున్నాడ‌ట.
from Telugu Movie News | Movie News in Telugu | Movie Gossips in Telugu https://ift.tt/3Bthg6o
No comments:
Post a Comment