నేను ఆ షాట్ చేస్తుంటే నాన్న చూసి అలా అన్నారు.. గుండెపోటు వచ్చింది! సీక్రెట్స్ బయటపెట్టిన షకీలా

దాదాపు రెండు తరాల ఆడియన్స్ ఎన్నటికీ మరచిపోలేని పేరు . ఒకానొక దశలో స్టార్ హీరోలకే గట్టి పోటీ ఇస్తూ నిర్మాతలకు లాభాల పంట పండించింది ఈ శృంగార తార. రొమాంటిక్ సీన్స్ చేయడం, రసిక ప్రియులను హుషారెత్తించడంలో తనకెవ్వరూ సాటిలేరు అన్నట్లుగా వెండితెరపై ఓ వెలుగు వెలిగింది షకీలా. అయితే ఆమె జీవితంలో ఎన్నో కష్టాలు, దుఃఖాలు ఉన్నాయి. ఇప్పటికే చాలా ఇంటర్వ్యూల్లో తన వ్యక్తిగత విషయాలపై ఓపెన్ అవుతూ వచ్చిన ఆమె, తాజాగా యాంకర్ సుమ ముందు బోరున విలపించింది. సుమ హోస్ట్ చేస్తున్న లేటెస్ట్ ప్రోమో రిలీజ్ చేయగా అందులో షకీలా చెప్పిన సంగతులు పలువురి చేత కంటతడి పెట్టిస్తున్నాయి. జ్యోతి, సంపూర్ణేశ్‌ బాబు, అభినయశ్రీ లతో కలిసి సరదాగా గేమ్‌లో పాల్గొన్న షకీలా మొదట సుమపై పంచులేస్తూ ఈ వీడియోలో హైలైట్ అయింది. ఆ తర్వాత తన జీవిత గాథను చెబుతూ నాన్న గురించి కొన్ని విషయాలు చెప్పి అందరిచేత కంటతడి పెట్టించింది. ''నాన్నకు నేనంటే చాలా ఇష్టం.. చిన్నప్పుడు నన్ను చాలా ప్రేమగా చూసుకునేవారు. అందుకే నాక్కూడా నాన్నంటే ఎంతో ఇష్టం. నేను పడ్డ కష్టాలు ఆయన చూశాడు. ఇండస్ట్రీలోకి వచ్చిన కొత్తలో నటిగా సక్సెస్ కోసం నేను ఎంతలా కష్టపడ్డానో మా నాన్నకు బాగా తెలుసు. నేను ఓ సారి షూటింగ్‌‌లో బిల్డింగ్ మీద నుంచి జంప్ చేయాలి. అప్పుడు డూపుల్లేకపోవడంతో నేనే దూకాల్సి వచ్చింది. ఎక్కి దూకేశాను. దాంతో నా కాలు విరిగింది. ఆ షాట్ చూసి నాన్నకు గుండెపోటు వచ్చింది. ఇకపై సినిమాలు చేయొద్దని నాన్నగారు చెప్పారు'' అంటూ ఎమోషనల్ అయింది షకీలా. కుటుంబ షోషణ కోసం, కుటుంబాన్ని నడిపించడం కోసం షకీలా చిన్నతనంలోనే ఇండస్ట్రీకి రావాల్సి వచ్చింది. అయితే ఆమె పెద్దగా చదువుకోకపోవడంతో రెమ్మ్యూనరేషన్, ఆర్ధిక వ్యవహారాలు అక్క చూసుకునేదట. అయితే చివరకు తను సంపాదించిన కోట్ల రూపాయలను అమ్మ, అక్క కలిసి స్వాహా చేశారని గత ఇంటర్వ్యూల్లో షకీలా చెప్పింది.

from Telugu Movie News | Movie News in Telugu | Movie Gossips in Telugu https://ift.tt/2ZyHqrv