డ్రగ్స్ కేసులో అరెస్ట్ అయిన తనయుడికి ముంబై హైకోర్టు గురువారం బెయిల్ మంజూరు చేసింది. కానీ లీగల్ టీమ్ సకాలంలో బెయిలు పత్రాలను జైలు అధికారులకు సమర్పించలేకపోవడంతో శుక్రవారం ఆయన విడుదల కాలేదు. ఆయన విడుదలయ్యేది శనివారమేనని ఆర్థర్ రోడ్ జైలు అధికారులు తెలిపారు. మొత్తానికి షారుఖ్ తన కొడుకు కోసం ఇంకొన్ని గంటలు వేచి చూడాల్సింది. రంగంలోకి దిగిన ముకుల్ రోహత్గి ఒకే దెబ్బకు ఆర్యన్ ఖాన్‌కు బెయిల్ వచ్చేలా చేసేశారు. అయితే లీగల్ టీం చేస్తోన్న పొరబాట్ల వల్ల ఆర్యన్ ఖాన్ ఇంకో ఒక్క రోజు జైల్లోనే ఉండాల్సి వస్తోంది. శనివారం ఆర్యన్ ఖాన్ విడుదలయ్యేందుకు ఎక్కువ అవకాశాలున్నాయి. అయితే ఆర్యన్ ఖాన్ బెయిల్ కోసం జూహీ చావ్లా కదలి వచ్చింది. అక్కడ కూడా సరైన పత్రాలు సమర్పించకపోవడంతో మరింత ఆలస్యమైంది. శుక్రవారం సాయంత్రం 5.30 గంటలలోగా బెయిల్ పేపర్ వర్క్‌ను పూర్తి చేయవలసి ఉండగా, వారు ఆ గడువులోగా ఆ పనిని పూర్తి చేయలేకపోయారు. బెయిలు పేపర్స్‌ను జైలు అధికారులకు శుక్రవారం సాయంత్రం గడువు ముగిసిన తర్వాత సమర్పించినందువల్ల ఆర్యన్ ఖాన్ శనివారం విడుదలవుతారు. ఆర్యన్ ఖాన్ తరపు లీగల్ టీమ్‌ను కోర్టు అధికారి ఒకరు నిలదీశారు. మీరు ఎప్పుడూ ష్యూరిటీ వర్క్ చేయలేదా? అని ప్రశ్నించారు. ఆర్యన్ ఖాన్‌కు జామీను ఇచ్చిన ఫొటోలు రెండు కావలసి ఉండగా, అవి లీగల్ టీమ్ వద్ద లేవు. దీంతో ఆ అధికారి ఈ లీగల్ టీమ్‌ను గట్టిగా ప్రశ్నించారు. చివరికి ఆమె ఫొటోలను తీసుకొచ్చి, పేపర్ వర్క్‌ను పూర్తి చేశారు. మొత్తానికి జుహీ చావ్లా ఇచ్చిన లక్ష రూపాయాల పుచీకత్తు జామీనుతో ఆర్యన్ ఖాన్ రేపు విడుదల కానున్నాడు.
from Telugu Movie News | Movie News in Telugu | Movie Gossips in Telugu https://ift.tt/3jOVxQo
No comments:
Post a Comment