అలాంటి అమ్మలే కావాలి!.. ‘జబర్దస్త్’ స్టోరీ షేర్ చేసిన అనసూయ

సీనియర్ నటులు ఆ మధ్య ఓ ఇంటర్వ్యూలో చేసిన కామెంట్లు ఎంతగా వైరల్ అయ్యాయో అందరికీ తెలిసిందే. షో గురించి మాట్లాడుతూ.. అందులో అనసూయ గురించి ప్రస్థావించారు. మంచి నటి, మంచి హావభావాలు పలుకుతుంది.. మంచి పర్సనాలిటీ.. డ్యాన్సులు కూడా బాగానే వేస్తుంది.. కానీ ఆమె వేసుకునే బట్టలు మాత్రం నాకు నచ్చవు అని అన్నాడు. దాంతో అనసూయ కోట శ్రీనివాస రావు పేరును ఎత్తుకుండా దుమ్ముదులిపింది. ఆడవాళ్లు ధరించే బట్టలపైనే ఎందుకు మాట్లాడుతారు.. హీరోలు చేసే చేష్టలు, పెళ్లై పిల్లలున్నా కూడా వారు హీరోయిన్లతో వేసే చేష్టలు, వారు తమ దేహాన్ని చూపించేదానిపై ఎందుకు మాట్లాడరు అంటూ విరుచుకుపడింది. ఇక నాటి కాలంలో ఆ నటుడు మందు తాగుతూ, పిచ్చి పిచ్చి బట్టలు వేసి చేసిన రోజుల్లో సోషల్ మీడియాఉంటే కూడా ఇలానే ప్రశ్నించేదా? అని అనసూయ ప్రశ్నించింది. అయితే సోషల్ మీడియాలో కోట వ్యాఖ్యలు, అనసూయ రివర్స్ కౌంటర్ల మీద చర్చలు జరిగాయి. కొంత మంది అనసూయను సమర్థించగా.. ఇంకొంత మంది కోట వ్యాఖ్యల్లో తప్పేముందని మాట్లాడుకొచ్చారు. అయితే అనసూయ నిన్న లైవ్‌లోకి వచ్చి ఈ విషయాల మీద నెటిజన్లతో మాట్లాడింది. ఇక ఆ తరువాత అనసూయ తన ఫేస్ బుక్‌లో పాజిటివ్ స్టోరీలను షేర్ చేసింది. తనకు పాజిటివ్‌గా ఉన్న స్టోరీలను అనసూయ షేర్ చేస్తూ వాటిపై కామెంట్ చేసింది. అందులో ఓ తల్లి తన కొడుకు/కూతురితో జరిగిన సంభాషణ ఉంది. ‘హలోఅనసూయ గారు. నేను మీతో చిన్న ఇన్సిడెంట్ షేర్ చేసుకోవాలి. అందుకే ఈ మెసెజ్ చేస్తున్నాను. జబర్దస్త్ కొత్తగా స్టార్ట్ యఅిన రోజులు అవి.. మీరు గోల్డ్ కలర్ డ్రెస్‌లో యాంకరింగ్ చేస్తున్నారు. నేను మా అమ్మతో అన్నాను.. అమ్మా చూడు ఎంత పొడుగ్గా ఎంత అందంగా ఉందో తను అన్నాను. అవును బాగుందని మా అమ్మ అన్నారు. డ్రెస్ చూడమ్మా హీరోయిన్‌లా ఎలా వేసుకుందో అని నేను కామెంట్ చేశాను. అప్పుడు మా అమ్మ అన్నారు.. ఆమె ఆ డ్రెస్ వేసుకుంటే నీకేంటి బాధ.. ఆమె కంఫర్ట్‌గానే ఉంది కదా?.. హీరోయిన్స్ వేసుకుంటే పర్లేదు.. యాంకర్లు ఎందుకు వేసుకోకూడదు. ఎవరి ఇష్టం వాళ్లది అని మా అమ్మ అనగానే ఒకరి గురించి మాట్లాడటానికి నేను ఎవరిని అనే ఆలోచన మొదలైంది. ఆ తరుతాత నుంచి ఇప్పటి వరకు నేను ఎవరి ఇష్టాలపైన కామెంట్ చేయడం మానేశాను. మార్పు అన్నది ఇంటి నుంచే మొదలవ్వాలి. అప్పుడే సమాజం మారుతుంది. మీరు మంచి అమ్మాయిలకు ఇన్‌స్పిరేషన్. నాకు కూడా. మీరు మీలాగే వుండండి. నచ్చని మాటలను హార్ట్‌కు తీసుకోకండి. హ్యాపీగా ఉండండి అను గారు’అని వచ్చిన మెసెజ్‌ను అనసూయ షేర్ చేసింది. ఇలాంటి మెసెజ్‌లతో ఉదయం ప్రారంభం అవ్వడం ఎంతో సంతోషంగా ఉంది. ఇలా గొప్పగా ఆలోచించినందుకు మీ అమ్మకు థ్యాంక్స్. ఈ ప్రపంచానికి అలాంటి అమ్మలే కావాలి అని అనసూయ ఎమోషనల్ అయింది.

from Telugu Movie News | Movie News in Telugu | Movie Gossips in Telugu https://ift.tt/2ZdU9Qn