జీవితా రాజశేఖర్ విషయాన్ని బండ్ల గణేశ్ అంత సులువుగా వదలాలని అనుకోవడం లేదు. ఎప్పుడైతే ప్రకాశ్రాజ్ జీవితను తన టీమ్లో జాయిన్ చేసుకున్నాడో అప్పటి నుంచి బండ్ల వ్యతిరేక స్వరాన్ని వినిపిస్తోన్న సంగతి తెలిసిందే. అందులో భాగంగానే ప్రకాశ్ రాజ్ టీమ్ నుంచి బయటకు వచ్చేసి తనే సొంతంగా పోటీ చేస్తానని ప్రకటించాడు బండ్ల. తనెంతో ఇష్టపడే చిరంజీవి, పవన్కళ్యాణ్లను జీవిత, రాజశేఖర్లు ఎన్నోసార్లు బహిరంగంగా విమర్శించారు. అలాంటి వారు మళ్లీ ఈ టీమ్లోకి రావడం తనకు ఇష్టం లేదని తేల్చి చెప్పేశాడీయన. అంతే కాదండోయ్.. చిరంజీవి, పవన్కళ్యాణ్లను గతంలో జీవిత, రాజశేఖర్ విమర్శించిన వీడియోలను తన ట్విట్టర్లో పోస్ట్ చేసి గతాన్ని తవ్వి తీశాడు. 2021 మా ఎన్నికలు తర్వాత డైరీ ఆవిష్కరణ సమయంలో రాజశేఖర్ చిరు, మోహన్బాబులపై ఆగ్రహాన్ని వ్యక్తం చేసిన వీడియోతోపాటు, పవన్కళ్యాణ్ సినిమాలు చేస్తూ, రాజకీయాల్లో ఉండటంపై రాజశేఖర్ చేసిన కామెంట్ వీడియో, రీసెంట్గా హేమ చేసిన వ్యాఖ్యలపై జీవితా రాజశేఖర్ ఇచ్చిన కౌంటర్ వీడియోను పోస్ట్ చేసిన బండ్ల గణేశ్ కచ్చితంగా ఏదో ఒకరోజు తన దేవుడు పవన్ కచ్చితంగా ముఖ్యమంత్రి అవుతాడని, అది తన కల అని బండ్ల గణేశ్ ట్వీట్ చేయడం విశేషం. అక్టోబర్ 10న మా ఎన్నికలు జరగనున్న నేపథ్యంలో ప్యానెల్ నుంచి బండ్ల గణేశ్ బయకు వెళ్లడమే కాదు.. ఇలా సోషల్ మీడియా వేదికగా విరుచుకుపడటం అనేది ప్రకాశ్రాజ్కు ఇబ్బందిగా మారింది. జనరల్ సెక్రటరీగా తనే పోటీ చేస్తానని, వంద మంది సభ్యులకు డబుల్ బెడ్రూమ్ ఇళ్లు ఇవ్వడమే తన ధ్యేయమని, అవకాశం ఇస్తే తనేంటో రుజువు చేస్తానని బండ్ల గణేశ్ అన్నారు. మరి ఈ పరిస్థితులను ప్రకాశ్ రాజ్ ఎలా చక్కబెడతారనేది ఆసక్తికరంగా మారింది. ఎన్నికల ముందే మా సభ్యులు ఇలా బహిరంగంగా విమర్శలు చేసుకుంటుంటే, క్రమశిక్షణా సంఘం, ఇతర సినీ పెద్దలు ఈ వ్యవహారాన్ని ఎలా చక్కబెడతారో చూడాలి.
from Telugu Movie News | Movie News in Telugu | Movie Gossips in Telugu https://ift.tt/3n30urm
No comments:
Post a Comment