‘అరవింద సమేత వీరరాఘవ’ సినిమా తర్వాత దర్శకధీరుడు రాజమౌళితో ‘ఆర్ఆర్ఆర్’ అనే ప్రతిష్టాత్మక సినిమా చేస్తున్న విషయం తెలిసిందే. భారీ మల్టీస్టారర్‌గా రూపొందుతున్న ఈ సినిమాలో తారక్‌తో పాటు రామ్ చరణ్ నటిస్తున్నాడు. స్వతంత్ర పోరాట యోధులు అల్లూరి సీతరామ రాజు, కొమురం భీమ్ పాత్రల్లో వీరిద్దరు కనిపించనున్నారు. ఇప్పటికే దాదాపు షూటింగ్ పూర్తి చేసుకున్న ఈ సినిమా ఈ ఏడాది అక్టోబర్‌లో విడుదల అయ్యే అవకాశం ఉంది. అయితే ఈ సినిమా తర్వాత ఎన్టీఆర్ తన కెరీర్‌లో 30వ సినిమా ఎవరితో చేస్తాడా అని ఎప్పటి నుంచో చర్చ జరుగుతోంది. తొలుత మాటల మాంత్రికుడు త్రివిక్రమ్ శ్రీనివాస్‌లో ఈ సినిమా చేస్తాడని అంతా అనుకున్నారు. దానికి ‘అయిననూ పోయిరావలే హస్తికకు’ అనే టైటిల్ కూడా ఫిక్స్ చేశారనే టాక్ బలంగా వినిపించింది. హీరోయిన్‌తో పాటు ఇతర తారాగణం కూడా ఫిక్స్ చేసేశారని అన్నారు. కానీ, చివర్లో ఎన్టీఆర్ ఈ వార్తలకు చెక్ పెట్టేశాడు. ‘జనతాగ్యారేజ్’ సినిమాతో తనకు సూపర్ హిట్ అందించిన కొరటాల శివతో తన 30 చిత్రం చేస్తున్నట్లు ప్రకటించాడు. ఈ సినిమాకి ఎన్టీఆర్ సోదరుడు కళ్యాణ్ రామ్ నిర్మాతగా వ్యవహరించనున్నాడు. అయితే ఈ ప్రకటన వచ్చినప్పటి నుంచి సినిమాపై అభిమానుల్లో ఆసక్తి నెలకొంది. సినిమా టైటిల్ ఏం ఉంటుందా..? తారక్ రోల్ ఎలా ఉంటుందా..? అని చర్చించుకోవడం ప్రారంభించారు. ఇదే క్రమంలో పుకార్లు కూడా పుట్టుకురావడం మొదలైంది. ఎన్టీఆర్ ఈ సినిమాలో అమాయక చక్రవర్తిగా నటిస్తున్నాడు అంటూ ఓ వార్త చక్కర్లు కొట్టింది. ఇప్పుడు ఈ సినిమాకు సంబంధించి మరో వార్త సోషల్‌మీడియాలో వైరల్ అవుతోంది. అదేంటంటే.. ఈ సినిమాలో ఎన్టీఆర్ ఓ స్టూడెంట్ లీడర్ పాత్రలో కనిపించనున్నాడట. స్టూడెంట్ పాలిటిక్స్ నేపథ్యంలో ఈ సినిమా కథ సాగుతుందని టాక్. రాజకీయాల కారణంగా విద్యార్థుల భవిష్యత్తు దెబ్బతినవద్దు అనే ఉద్దేశంతో బరిలోకి దిగిన హీరోకి ఎలాంటి పరిస్థితులు ఎదురవుతాయి? వాటిని ఆయన ఎలా అధిగమిస్తాడు? చివరికి ఆయన అనుకున్నది సాధిస్తాడా.. లేదా? అనే నేపథ్యంలో ఈ సినిమా నడుస్తుందని అంటున్నారు. మరి ఈ వార్తలో ఎంత మేరకు నిజం ఉందో ఇప్పుడే చెప్పలేము.
from Telugu Movie News | Movie News in Telugu | Movie Gossips in Telugu https://ift.tt/2QCmonF
No comments:
Post a Comment