నేడు (మే 31) సూప‌ర్‌స్టార్ కృష్ణ 78వ పుట్టినరోజు. అయితే కరోనా పరిస్థితుల కారణంగా ఆయన పుట్టినరోజు వేడుకలు నిర్వహించడం లేదు. మరోవైపు గత రాత్రి నుంచే సోషల్ మీడియా వేదికగా పలువురు ప్రముఖుల నుంచి ఆయనకు శుభాకాంక్షలు వెల్లువెత్తుతున్నాయి. ఈ సందర్భంగా కృష్ణ తనయుడు, స్టార్ హీరో ఆయనకు స్పెషల్ విషెస్ తెలుపుతూ తండ్రిపై ప్రేమ కురిపించారు. తన ట్విట్టర్ ఖాతాలో తండ్రి కృష్ణతో కలిసి దిగిన ఓ పిక్ షేర్ చేస్తూ మహేష్ బాబు ట్వీట్ చేశారు. ''హ్యాపీ బర్త్ డే నాన్న, నేను ముందుకెళ్లడానికి నాకు అత్యుత్తమైన మార్గాన్ని చూపించినందుకు ధన్యవాదాలు. మీరు ఊహించనంతగా మిమ్మల్ని ఎప్పుడూ ప్రేమిస్తుంటాను'' అని తన ట్వీట్‌లో పేర్కొన్నారు మహేష్. ఈ ట్వీట్ చూసి సూపర్ స్టార్ ఫ్యాన్స్ పెద్దఎత్తున ఆయనకు పుట్టినరోజు శుభాకాంక్షలు తెలుపుతున్నారు. ప్రస్తుతం పరశురామ్ దర్శకత్వంలో ‘సర్కారువారి పాట’ మూవీ చేస్తున్నారు మహేష్. నిజానికి కానుకగా ఈ సినిమా టీజర్ విడుదల చేయాలనుకున్న మేకర్స్.. కోవిడ్ కారణంగా వాయిదా వేశారు. మైత్రీ మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్మెంట్ బ్యానర్లపై నవీన్ యెర్నేని, వై.రవిశంకర్, రామ్ ఆచంట, గోపి ఆచంట సంయుక్తంగా ఈ చిత్రాన్ని నిర్మిస్తున్నారు. థమన్ సంగీతం సమకూర్చుతుండగా, జి.ఎస్.వినోద్ సినిమాటోగ్రఫీ అందిస్తున్నారు. మహేష్ బాబు కెరీర్‌లో 27వ సినిమాగా ఈ మూవీ ప్రేక్షకుల ముందుకు రాబోతోంది.
from Telugu Movie News | Movie News in Telugu | Movie Gossips in Telugu https://ift.tt/3p4E5c8
No comments:
Post a Comment