సూపర్ స్టార్ , మాటల మాంత్రికుడు క్రేజీ కాంబినేషన్‌లో రాబోతున్న కొత్త సినిమాపై ప్రేక్షకుల్లో భారీ అంచనాలున్నాయి. ''అతడు, ఖలేజా'' సినిమాల తర్వాత ఈ ఇద్దరి కాంబోలో రాబోతున్న సినిమా కావడంతో షూటింగ్‌కి ముందే ఓ రేంజ్ హైప్ నెలకొంది. ఇక ఈ మూవీకి సంబంధించి ఒక్కొక్కటిగా బయటకొస్తున్న అప్‌డేట్స్ మరింత ఆసక్తి రేకెత్తిస్తున్నాయి. తాజాగా ఇందులో ఇస్మార్ట్ బ్యూటీ నిధి అగ‌ర్వాల్‌ ఛాన్స్ పట్టేసిందని తెలుస్తోంది. హారిక అండ్‌ హాసిని క్రియేషన్స్‌ పతాకంపై మమత సమర్పణలో భారీ బడ్జెట్ కేటాయించి ఎస్‌.రాధాకృష్ణ ఈ చిత్రాన్ని నిర్మించనున్నారు. ఇందులో మహేష్ సరసన ఇద్దరు హీరోయిన్లు నటించబోతున్నారట. ఇప్పటికే మెయిన్ హీరోయిన్‌గా పూజా హెగ్డేను ఫైనల్ చేశారని తెలుస్తుండగా.. సెకండ్ హీరోయిన్ కోసం నిధి అగ‌ర్వాల్‌‌ని సెలక్ట్ చేశారని టాక్ నడుస్తోంది. ఇస్మార్ట్ శంక‌ర్‌ సినిమాతో నిధి అగ‌ర్వాల్‌ కెరీర్ టర్న్ అయింది. ఈ మూవీ తర్వాత పలు త‌మిళ చిత్రాల‌తో పాటు ప‌వ‌న్‌ క‌ళ్యాణ్‌- క్రిష్ కాంబోలో తెరకెక్కుతున్న మూవీ 'హ‌రిహ‌ర వీర‌మ‌ల్లు' సినిమాలో హీరోయిన్‌గా ఛాన్స్ పట్టేసింది నిధి. ఇక ఇప్పుడు మహేష్ బాబు సరసన కూడా ఆమెకే అవకాశం దక్కిందని తెలియడం ఇస్మార్ట్ బ్యూటీ ఫ్యాన్స్‌ని హుషారెత్తిస్తోంది. SSMB 28గా రిలీజ్ కాబోతున్న ఈ సినిమా కోసం ఓ పదునైన కథను సిద్ధం చేశారట త్రివిక్రమ్ శ్రీనివాస్. హై వోల్టేజ్ యాక్షన్ సీన్స్‌కి కమర్షియల్ ఎలిమెంట్స్ జోడిస్తూ ఈ కథను వెండితెరపై ఆవిష్కృతం చేయబోతున్నారట. ప్రస్తుతం ఈ మూవీ ప్రీ ప్రొడక్షన్ పనులు వేగంగా నడుస్తున్నాయి. మే 31న కృష్ణ పుట్టినరోజు సందర్భంగా ఈ సినిమాని లాంఛనంగా ప్రారంభించనున్నారు. ఆ రోజే సూపర్ స్టార్ అభిమానుల కోసం ఈ మూవీ నుంచి ఓ సర్‌ప్రైజ్ కూడా ప్లాన్ చేశారని విశ్వసనీయ వర్గాల సమాచారం.
from Telugu Movie News | Movie News in Telugu | Movie Gossips in Telugu https://ift.tt/3oPwzBP
No comments:
Post a Comment