2019 సంక్రాంతికి F2 సినిమాతో ఫన్ క్రియేట్ చేసిన విక్టరీ , మెగా ప్రిన్స్ అదే రైడ్ కంటిన్యూ చేయబోతున్న సంగతి తెలిసిందే. అంతకుమించిన ఫన్ డోస్ 2021లో ఇవ్వాలని డిసైడ్ అయిన ఈ ఇద్దరు హీరోలు F2 సినిమాకు సీక్వల్‌గా మూవీని స్టార్ట్ చేశారు. ఇటీవలే ఈ మూవీని అఫీషియల్‌గా ప్రకటించి సెట్స్ పైకి కూడా వచ్చేయడం జరిగింది. ఈ నేపథ్యంలో చిత్రానికి సంబంధించి ఓ ఆసక్తికర అప్‌డేట్ బయటకొచ్చింది. ఇందులో వరుణ్‌తో పాటు మరో మెగా హీరో భాగం కాబోతున్నారని తెలుస్తోంది. F2 సినిమాకు దర్శకత్వం వహించిన అనిల్ రావిపూడి ఈ F3ని డైరెక్ట్ చేస్తున్నారు. మోర్ ఫన్ బిగిన్స్ అంటూ ఇటీవలే విడుదల చేసిన పోస్టర్, కాన్సెప్ట్‌ వీడియోకి భారీ రెస్పాన్స్ వచ్చింది. వెంకటేష్, వరుణ్ తేజ్, తమన్నా, మెహ్రీన్ హీరోహీరోయిన్లుగా రూపొందనున్న ఈ మూవీకి దిల్ రాజు నిర్మాతగా వ్యవహరిస్తున్నారు. దేవి శ్రీ ప్రసాద్‌ సంగీతం అందిస్తున్నారు. కాగా ఈ చిత్రంలో ఓ ఇంపార్టెంట్ రోల్ కోసం డైరెక్టర్ అనిల్ రావిపూడి పక్కాగా ప్లాన్ చేసి మెగా మేనల్లుడు సాయి ధరమ్ తేజ్‌ని రంగంలోకి దించుతున్నారనేది ఫిలిం నగర్ టాక్. F3లో సాయి ధరమ్ తేజ్ పాత్ర 15 నుంచి 20 నిమిషాల పాటు ఉంటుందని అంటున్నారు. నిర్మాత దిల్ రాజుతో, డైరెక్టర్ అనిల్ రావిపూడితో సాయితేజ్‌కు మంచి అనుబంధం ఉన్న కారణంగా వారి కోరిక మేరకు `ఎఫ్3`లో అతిథి పాత్ర చేసేందుకు సాయితేజ్ వెంటనే ఒప్పుకున్నారని సమాచారం. ఏది ఏమైనా వెంకటేష్, వరుణ్ తేజ్ నవ్వుల ప్రయాణంలో సాయి ధరమ్ తేజ్ కూడా భాగం కాబోతున్నారనే వార్త ప్రేక్షకలోకాన్ని హుషారెత్తిస్తోంది.
from Telugu Movie News | Movie News in Telugu | Movie Gossips in Telugu https://ift.tt/35XiaLu
No comments:
Post a Comment