సోషల్ మీడియాలో వ్యక్తులపై, సంస్థలపై, సినిమాలపై తన మనసులో భావాలని చెబుతూ ట్వీట్స్ చేస్తూ వార్తల్లో నిలిచే దర్శకుడు రామ్ గోపాల్ వర్మ. ఈ కాంట్రవర్సీయల్ డైరెక్టర్ వేసిన ట్వీట్కు హీరో మంచు మనోజ్ పంచ్ కొడుతున్నట్లు రిప్లయ్ ఇవ్వడం విశేషం. అసలు ఇంతకీ ఆర్జీవీ దేనికి సంబంధించిన ట్వీట్ చేశాడు.. దానికి మంచు మనోజ్ ఎలా సమాధానం చెప్పాడనే వివరాల్లోకి వెళితే.. రీసెంట్గా మూవీ ఆర్టిస్ట్ అసోసియేషన్(‘మా’) ఎన్నికలు జరిగాయి. ఇందులో విష్ణు మంచు ప్యానెల్, ప్రకాశ్ రాజ్ ప్యానల్స్ పోటీ పడితే, విష్ణు ప్యానెల్ విజయం సాధించింది. ఎన్నికలు ముందు, తర్వాత రెండు ప్యానెల్స్కు సంబంధించిన సభ్యులు ఒకరిపై ఒకరు విమర్శలు చేసుకున్నారు. ఈ ‘మా’ గొడవలు ఓ పక్క జరుగుతుంటే మరో వైపు రామ్గోపాల్ వర్మ తనదైన పంథాలో ‘మా’పై విమర్శలు చేస్తూ ‘సినీ ‘మా’ జోకర్స్తో నిండిన ఓ పెద్ద సర్కస్’ అంటూ ట్వీట్ చేశాడు. అది వరకే ఓసారి ‘మా’ గొడవలపై ఆర్జీవీ ట్వీట్ చేస్తే ఎవరూ పట్టించుకోలేదు. తనను ఎవరూ పట్టించుకోకపోవడమేంటని అనుకున్నాడేమో వర్మ మరోసారి ‘మా’పై తనదైన శైలిలో ట్వీట్ చేశాడు. అయితే హీరో మంచు మనోజ్ కూడా అంతే వ్యంగంగా రివర్స్ ఎటాక్ ఇచ్చాడు. అందరూ జోకర్స్ అయితే ‘మీరు రింగ్ మాస్టరా?’ అని ఎదురు ప్రశ్న వేశాడు. దీనిపై ఆర్జీవీ మరింత వరకు రియాక్ట్ కాలేదు. ఇక ఆర్జీవీ సినిమాల విషయానికి వస్తే..ఈసారి ఈయన కొండా మురళి, సురేఖలకు జీవితాలను ఆవిష్కరిస్తూ కొండా అనే సినిమాను రూపొందిస్తున్నాడు. రీసెంట్గానే ఈ సినిమాను లాంఛనంగా ప్రారంభించారు. నక్సలైట్స్ బ్యాక్డ్రాప్లోసాగే ప్రేమకథా చిత్రమిదని వర్మ ఇప్పటికే తెలిపారు. ఇందులో అరుణ్ అదిత్, ఇర్రా మోరా నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3jhwAgd
No comments:
Post a Comment