పవర్స్టార్ పవన్ కళ్యాణ్ కొత్త నిర్ణయం ఆయనతో సినిమాలు తీస్తున్న, తీయబోతున్న నిర్మాతలకు ఇబ్బందులు కలిగిస్తుందేమోననే వార్తలు సోషల్ మీడియాలో తెగ చక్కర్లు కొడుతుంది. అసలు ఇంతకీ పవన్ తన నిర్మాతలను ఇబ్బంది పెట్టేంతగా తీసుకున్న కొత్త నిర్ణయమేంటి? అనే వివరాల్లోకెళ్తే.. పవన్ కళ్యాణ్ జనసేన పార్టీని ఆంధ్రప్రదేశ్లో మరింత బలోపేతం చేయాలని అనుకుంటున్నాడట. అందుకోసం తన నివాసాన్ని హైదరాబాద్ నుంచి విజయవాడకు మార్చాలని అనుకుంటున్నాడట. అంటే ఎక్కువ సమయం అక్కడ ప్రజలకు అందుబాటులో ఉండాలనేది పవన్ నిర్ణయం. అయితే ఇక్కడ అసలు సమస్య ఏంటంటే? పవన్ షూటింగులను హైదరాబాద్లో చేయాల్సి ఉంటుంది. అంటే పవన్ హైదరాబాద్..విజయవాడలకు వచ్చి పోవాల్సి ఉంటుంది. అందుకోసం ఓ ప్రైవేట్ జెట్లో ఆయన ప్రయాణిస్తారు. అయితే ఇప్పుడు వచ్చిన సమస్యల్లా ఇప్పుడు నిర్మాతలు పవన్ కళ్యాణ్ ప్రయాణించే సదరు ప్రైవేట్ జెట్ ఖర్చు కూడా పెట్టుకోవాల్సిందే. ఇది నిర్మాతలకు మరింత ఆర్థిక భారాన్ని పెంచే పని అవుతుందని ఇండస్ట్రీలో గుసగుసలు వినిపిస్తున్నాయి. మరి ఈ వార్తలపై ఎవరైనా స్పందిస్తారేమో చూడాలి. జనసేన పార్టీని స్థాపించి కొన్ని నెలల పాటు సినిమాలకు దూరంగా ఉంటూ వచ్చిన పవన్ కళ్యాణ్.. ‘వకీల్ సాబ్’ సినిమాతో రీ ఎంట్రీ ఇచ్చిన సంగతి తెలిసిందే. ఇప్పుడు భీమ్లానాయక్, హరిహర వీరమల్లు సినిమాల షూటింగ్లతో బిజీగా ఉన్నారు. ఈ సినిమాలు పూర్తయిన తర్వాత హరీశ్ శంకర్ దర్శకత్వంలో భవదీయుడు భగత్ సింగ్ సినిమాతో పాటు సురేందర్ రెడ్డి దర్శకత్వంలో ఓ సినిమా చేయాల్సింది ఉంది. మరికొందరు దర్శకులు పవన్ కళ్యాణ్తో సినిమా చేయడానికి సిద్ధంగా ఉన్నారు.
from Telugu Movie News | Movie News in Telugu | Movie Gossips in Telugu https://ift.tt/3lVx5yu
No comments:
Post a Comment