వివాదాస్ప‌ద వ్యాఖ్య‌లు, చిత్రాల‌తో ఎప్పుడూ వార్త‌ల్లో నిలిచే ద‌ర్శ‌కుడు రామ్‌గోప‌ల్ వర్మ వంచనగిరి గ్రామంలోని గండి మైసమ్మ ఆలయంలోని అమ్మవారికి మందు తాగించారు. అసలేం ఏం జరిగింది? దేవుడంటే ఆర్జీవీ నమ్మడు. అది తన పర్సనల్. కానీ.. అమ్మవారికి ఆయన మందు తాగించడమేంటి? అని కోపం వచ్చే అవకాశం ఉంది. అయితే దీని వెనుక విషయమేంటని చూస్తే.. లేటెస్ట్‌గా తెర‌కెక్కించ‌నున్న చిత్రం ‘కొండా’. ఈ సినిమా ప్రారంభోత్స‌వం కోసం ఆర్జీవీ వరంగ‌ల్‌కు చేరుకున్నారు. అక్క‌డ వంచనగిరి గ్రామంలో సినిమా షూటింగ్ ప్రారంభ‌మైంది. షూటింగ్ ప్రారంభించ‌డానికి ముందు అక్క‌డ ఉన్న గండి మైసమ్మ అమ్మ‌వారి ఆల‌యాన్నిద‌ర్శించుకున్నారు. అలాగే అక్క‌డ సంస్కృతిని ఫాలో అవుతూ గండి మైసమ్మ అమ్మవారికి మందు తాగించి అమ్మ‌వారి ఆశీస్సులు అందుకున్నారు. ముందుగా కొండా దంప‌తుల ఇంటి నుంచి ర్యాలీగా బ‌య‌లుదేరాల‌ని ముందుగా వర్మ భావించారు. అయితే పోలీసుల‌కు అభ్యంత‌రం చెప్పారు. తెలంగాణ రాజ‌కీయాల్లో కొండా దంప‌తులు కొండా ముర‌ళి, సురేఖ‌ల జీవిత చ‌రిత్ర‌ను సినిమాగా తెర‌కెక్కించ‌బోతున్న‌ట్లు తెలియ‌జేసిన సంగ‌తి తెలిసిందే. దీనికి సంబంధించిన పోస్ట‌ర్‌ను రీసెంట్‌గానే ఆర్జీవీ విడుద‌ల చేశారు. 1980 ల‌వ్‌స్టోరీ విత్ న‌క్స‌ల్ బ్యాగ్రౌండ్‌తో సినిమా రూపొంద‌నుంది. అరుణ్ అదిత్ ఇందులో కొండా ముర‌ళి పాత్ర‌లో క‌నిపించ‌బోతున్నారు. భైర‌వ‌గీత ఫేమ్‌ ఇర్రా మోర్ కొండా సురేఖ పాత్ర‌లో క‌నిపించ‌నున్నారు. తన సినిమాలతో ఎప్పుడూ వివాదాల‌ను రేపే ఆర్జీవీ కొండా చిత్రంతో ఎలాంటి వివాదాల‌కు తెర తీయ‌నున్నారో తెలియాలంటే మ‌రికొన్ని రోజులు ఆగాల్సిందే. ఈ సినిమాను చేయ‌డానికి ముందు కొండా దంప‌తుతో ఆయన చ‌ర్చించి, ప‌ర్మిష‌న్ తీసుకున్నారు.
from Telugu Movie News | Movie News in Telugu | Movie Gossips in Telugu https://ift.tt/2X7IbH0
No comments:
Post a Comment