పూజా హెగ్డే నాకు మాత్రమే స్పెషల్ అనుకున్నా.. కానీ ఇప్పుడే తెలిసిందంటూ సీక్రెట్ చెప్పేసిన అల్లు అర్జున్

‘‘తెలుగులో మేడం సార్‌.. మేడం అంతే. త‌న తొలి చిత్రం ‘ముకుంద’ తన కెరీర్‌ను అప్ప‌టి నుంచి గ‌మ‌నిస్తూనే ఉన్నా. అలాగే డీజే దువ్వాడ జ‌గ‌న్నాథ‌మ్ సినిమాలో నాతో క‌లిసి యాక్ట్ చేసింది. అప్ప‌టి నుంచి చూస్తున్నాను. ప్ర‌తి సినిమాకు న‌టిగా ఎదుగుతుంది. ప్ర‌తీ సినిమా ఇంకా అందంగా క‌నిపిస్తుంది’’ అన్నారు ఐకాన్ స్టార్ . ఆయ‌న ‘మోస్ట్ ఎలిజిబుల్ బ్యాచ్‌ల‌ర్’ సినిమా స‌క్సెస్ ఈవెంట్‌కు ముఖ్య అతిథిగా విచ్చేశారు. ఆ స‌మ‌యంలో పూజా హెగ్డేను పొగ‌డ్త‌ల‌తో ముంచెత్తారు. ఇంకా బ‌న్నీ మాట్లాడుతూ ‘‘‘మోస్ట్ ఎలిజిబుల్ బ్యాచ్‌ల‌ర్’ సినిమాలో న‌టిగా, పెర్ఫామెన్స్ ప‌రంగా పూజా హెగ్డే మ‌రో రెండు మెట్లు పైకెక్కింది. నా సినిమాకు కూడా చెప్ప‌లేదు కానీ.. ఈ సినిమాలో ఆమె అద్భుతంగా న‌టించింది. కెరీర్‌లో ఆమె బెస్ట్ ఫెర్ఫామెన్స్ ఇదే. నువ్వు నా గుడ్ ల‌క్ ఛార్మ్ అనుకున్నాను. కానీ.. కాదు, నువ్వు ఏ హీరోతో చేస్తే ఆ హీరోకి గుడ్ ల‌క్ ఛార్మ్‌. నేనొక్క‌డినే స్పెష‌ల్ అనుకున్నాను. కానీ అంద‌రికీ నువ్వు స్పెష‌ల్ అని అర్థ‌మైంది.. త‌న‌కు అభినంద‌న‌లు’’ అన్నారు. అఖిల్ అక్కినేని హీరోగా బొమ్మ‌రిల్లు భాస్క‌ర్ ద‌ర్శ‌క‌త్వంలో రూపొందిన ఫ్యామిలీ ఎంట‌ర్‌టైన‌ర్ ‘మోస్ట్ ఎలిజిబుల్ బ్యాచ్‌ల‌ర్‌’. ద‌స‌రా సంద‌ర్భంగా విడుద‌లైన ఈ చిత్రం స‌క్సెస్ టాక్‌తో మంచి వ‌సూళ్ల‌ను సాధించింది. ఇందులో పూజా హెగ్డే హీరోయిన్‌. ప్ర‌స్తుతం పూజా హెగ్డే టాలీవుడ్ స్టార్ హీరోయిన్‌గా వ‌రుస క్రేజీ ప్రాజెక్ట్స్‌లో న‌టిస్తోంది.

from Telugu Movie News | Movie News in Telugu | Movie Gossips in Telugu https://ift.tt/3b0lmbj