ఇన్నిరోజులుగా వస్తున్న విడాకుల రూమర్లను నిజం చేస్తూ సమంత, అధికారిక ప్రకటన చేసేశారు. తామిద్దరం ఇక భార్యభర్తలుగా ఉండబోవడం లేదని, కానీ స్నేహితుల్లా ఎప్పటికీ కలిసే ఉంటామని పేర్కొంటూ ఎవరికి వారు సోషల్ మీడియా వేదికగా అఫీషియల్ స్టేట్‌మెంట్ ఇచ్చేశారు. దీంతో నాలుగేళ్ల నాగ చైతన్య- వివాహ బంధానికి బ్రేక్ పడింది. ఒక్కసారిగా ఈ విషయం జనాల్లో హాట్ టాపిక్ అయింది. చై- సామ్ విడాకుల ఇష్యూపై ఏవేవో కారణాలు చెప్పుకుంటూ ఎవరికి తోచిన విధంగా వారు మాట్లాడుకుంటున్నారు జనం. అయితే ఇండస్ట్రీ వర్గాల నుంచి వినిపిస్తున్న సమాచారం మేరకు సినిమాల విషయంలోనే సమంత- నాగ చైతన్య మధ్య అభిప్రాయ బేధాలు తలెత్తాయని, సమంత తీసుకుంటున్న నిర్ణయాలు, చేసే సినిమాల విషయంలో ఇద్దరి మధ్య కొన్ని బేధాభిప్రాయాలు రావడంతో ఈ నిర్ణయం తీసుకున్నారని తెలుస్తోంది. పెళ్లి తర్వాత కూడా సోషల్ మీడియాలో హాట్ హాట్ ఫోటోషూట్స్ షేర్ చేయడం, సినిమాల్లో గ్లామరస్ రోల్స్ చేయడం అక్కినేని ఫ్యామిలీకి నచ్చలేదట. ఈ విషయమై పలుసార్లు కుటుంబంలో డిస్కషన్స్ పెట్టి సర్దిచెప్పినా సమంత మాత్రం తన దారి తనదే అన్నట్లుగా వెళుతుండటంతో చై-సామ్ మధ్య గ్యాప్ మరింత పెరుగుతూ వచ్చిందట. ముఖ్యంగా ఇటీవలే వచ్చిన ఫ్యామిలీమెన్- 2 చిత్రంలో బోల్డ్ రోల్ చేసిన తర్వాత సమంత, నాగ చైతన్య మధ్య దూరం బాగా పెరిగి చివరకు విడాకుల వరకు వచ్చిందని అంటున్నారు. పలుమార్లు కౌన్సిలింగ్ ఇచ్చినా ఫలితం మాత్రం శూన్యం. చివరకు అన్నీ ఆలోచించిన తర్వాతనే తమ దారులు కలవవు అని ఈ నిర్ణయం తీసుకుంటున్నట్లు సమంత పేర్కొనడంతో ఈ సెలబ్రిటీ జోడీ వివాహ బంధానికి బ్రేక్ పడింది.
from Telugu Movie News | Movie News in Telugu | Movie Gossips in Telugu https://ift.tt/3a0LiTP
No comments:
Post a Comment