ఆ ప్రశ్నలంటే చిరాకు.. టీవీ ఆపేస్తా.. ట్రోల్స్‌ గురించి సమంత ఏమందంటే?

పరిస్థితులు అనుకూలించకపోవడంతో ఈ మ‌ధ్య సినిమాల్లో కంటే సోష‌ల్ మీడియాలోనే వార్త‌ల్లో వ‌క్తిగా క‌నిపిస్తున్నారు. వ్య‌క్తిగ‌త జీవితంలో వ‌చ్చిన మార్పులనొచ్చు, స‌వాళ్ల‌ని అనొచ్చు. ఏదేమైనా కానీ.. స‌మంత‌పై సోష‌ల్ మీడియాలో ఏదో ఒక రూపంలో వార్త‌లు వస్తూనే ఉన్నాయి. నాగ‌చైత‌న్య‌తో విడాకుల వ్య‌వ‌హారం త‌ర్వాత కొన్ని ప‌రిస్థితుల‌ను చూస్తే సోష‌ల్ మీడియా ఆమెను కావాల‌నే టార్గెట్ చేసిన సంద‌ర్భాలు కూడా లేక‌పోలేద‌నిపిస్తుంది. కానీ వాటన్నింటికీ స‌మంత త‌న వ‌ర్కింగ్ స్టైల్‌తోనే స‌మాధానం చెప్పాలని అనుకుంటోంది. అలాగే చెబుతూ వ‌స్తుంది కూడా. రీసెంట్‌గా ఇచ్చిన ఇంట‌ర్వ్యూలో సోష‌ల్ మీడియా గురించి ఆమె స్పందించారు. మ‌నం డిజిట‌ల్ ప్ర‌పంచంలో ఉన్నామ‌ని, దీనిలో ప్ల‌స్‌లు ఎలా ఉంటాయో.. మైన‌స్‌లు కూడా అలాగే ఉంటాయ‌ని స‌మంత చెప్పారు. వైవిధ్యమైన పాత్రలు చేయడానికి ఆసక్తిగా చూపిస్తాను. నా సినిమాలు టీవీలో వస్తుంటే టీవీ ఆపేస్తాను. అందుకు కారణం.. నన్ను నేను అలా చూసుకోవడం నాకు నచ్చదు అని అన్నారు సామ్. ఆమె ఇంకా మాట్లాడుతూ ‘‘మనలోని అలవాటు ఏదైనా కావ‌చ్చు. కానీ ప్ర‌తి దానికి ఓ ప‌రిధి ఉంటుంది. అందులోనే ఉండి వ‌ర్క్ చేస్తే బావుంటుంది కూడా. ఇప్పుడు అంద‌రం డిజిట‌ల్ ప్ర‌పంచంలోనే బ‌తుకుతున్నాం. ఎవ‌రైనా నేను నేను సోష‌ల్ మీడియాకు దూరంగా ఉంటున్నాను అని అన్నారంటే అది గొప్ప గుణ‌మ‌ని నేను భావించ‌ను. సాధార‌ణంగా నాపై సోషల్ మీడియాలో చాలా ట్రోల్స్ వ‌చ్చాయి. అయితే వాటి గురించి నేను రియాక్ట్ కాకూడ‌ద‌ని నిర్ణ‌యించుకుని నియంత్రించుకున్నాను. ఒక‌వేళ స్పందించాల‌నుకుంటే మాత్రం అది నా సైలెన్స్ కంటే ఉత్త‌మంగా ఉండాల‌నేది నా అభిప్రాయం. ఇంట‌ర్వ్యూస్‌లో కొంద‌రు హెడ్‌లైన్స్ కోసం ప్ర‌శ్న‌లు వేస్తుంటారు. అది చాలా ఎదుటి వ్య‌క్తిని చాలా ఇబ్బందికి గురి చేస్తుంది. అలాంటి ప్ర‌శ్న‌లను ఎదుటి వారు అడుగుతున్న‌ప్పుడే నాకు అర్థ‌మ‌వుతాయి’’ అంటూ చాలా తెలివిగా తనపై వస్తున్న ట్రోల్స్ గురించి తన అభిప్రాయాన్ని వ్యక్తం చేశారామె. ఇటీవ‌ల స‌మయంలో త‌న వ్య‌క్తిగ‌త జీవితంపై కొన్ని కార్య‌క్ర‌మాల‌ను ప్ర‌సారం చేసిన యూ ట్యూబ్ ఛానెల్స్‌పై స‌మంత ప‌రువు న‌ష్టం దావా వేశారు. సాధార‌ణంగా సోష‌ల్ మీడియాలో వ‌స్తున్న ట్రోల్స్ గురించి నోరు మెద‌ప‌ని స‌మంత ఇలాంటి రియాక్ష‌న్ ఇస్తుంద‌ని ఎవ‌రూ అనుకోలేదు. త‌న‌పై అస‌త్య ఆరోప‌ణ‌లు చేశార‌ని, త‌నపై వ‌స్తున్న అసత్య ప్ర‌చారాన్ని ఆపేలా చ‌ర్య‌లు తీసుకోవాల‌ని ఆమె త‌న పిటిష‌న్‌లో కోర్టును కోరారు. ఇక సినిమాల విష‌యానికి వ‌స్తే, ప్రస్తుతం ఫిజికల్ ఫిట్‌నెస్‌తో, మానసికంగా ఉల్లాసంగా ఉండటానికి టూర్స్ వెళుతున్న సమంత త్వరలోనే రెండు ద్వి భాషా చిత్రాల్లో( తెలుగు, త‌మిళ‌) ఆమె న‌టించ‌బోతున్నారు. ఓ చిత్రాన్ని డ్రీమ్ వారియ‌ర్ పిక్చ‌ర్స్ సంస్థ నిర్మిస్తుంటే మ‌రో మూవీని శ్రీదేవి మూవీస్‌పై శివ‌లెంక కృష్ణ ప్ర‌సాద్ నిర్మిస్తున్నారు. ఈ రెండు చిత్రాల‌ను డెబ్యూ డైరెక్ట‌ర్సే తెర‌కెక్కిస్తుండ‌టం విశేషం.

from Telugu Movie News | Movie News in Telugu | Movie Gossips in Telugu https://ift.tt/3lYmQcr