డ్రగ్స్ కేసులో ప్రజలు అనుకున్నదే అయ్యింది. తనయుడు ఆర్యన్ ఖాన్కు సోమవారం బెయిలు మంజూరు చేసే అవకాశం ఉందని బాలీవుడ్ మీడియా వర్గాల్లో వార్తలు హల్చల్చేస్తున్నాయి. వివరాల్లోకెళ్తే.. బాలీవుడ్ స్టార్ హీరో షారూక్ ఖాన్ తనయుడు ఆరన్య్ ఖాన్ను, అతనితో పాటు అర్బాజ్ మర్చంట్, మున్ మున్ ధమేచాలను శనివారం అధికారులు డ్రగ్స్ కేసులో అరెస్ట్ చేసిన సంగతి తెలిసిందే. ఢిల్లీ, హర్యనాలకు చెందిన డ్రగ్స్ సరఫరా దారులను అరెస్ట్ చేసి వారిచ్చిన సమాచారంతో NCB అధికారులు దాడులు చేశారు. ఎంత పెద్ద బడాబాబులున్నా వదిలిపెట్టేది లేదని ఎన్సీబీ ఉన్నతాధికారి చెప్పిన కొన్ని గంటల్లోనే దానికి వ్యతిరేకంగా పనులు జరుగుతున్నాయి. ఎన్సీబీ కోర్టు ఒకరోజు మాత్రమే కస్టడీని విధించింది. డ్రగ్స్ కేసులో దొరికిన ఆర్యన్ఖాన్ను NCB అధికారులు కస్టడీకి తీసుకోవడానికి సుముఖంగా లేరని సమాచారం. షారూక్ఖాన్ లాయర్ సోమవారం రోజున ఈ కేసుకు సంబంధించి ఆర్యన్ ఖాన్కు బెయిల్ అప్లయ్ చేస్తున్నారట. మొత్తానికి ఆర్యాన్ ఖాన్ మీద 8c, 20B, 27, 35 సెక్షన్ల కింద కేసు నమోదు చేసి జువైనల్ కస్టడీలోకి తీసుకున్నారు. అయితే ఆధారాలు లేవని, కేవలం వాట్సప్ చాటింగ్ ఆధారంగానే అధికారులు ఆర్యన్ను అరెస్ట్ చేసినట్లు షారూక్ లాయర్ తెలిపారు. అధికారులు కూడా ఆర్యన్ దగ్గర ఎలాంటి డ్రగ్స్ దొరకలేదని వెల్లడించినట్లు సమాచారం. ఈ విషయంపై మాట్లాడటానికి రీసెంట్గా షారూక్ఖాన్ ఇంటికి మరో స్టార్ కథానాయకుడు సల్మాన్ ఖాన్ కూడా వెళ్లాడు. ఈ ఘటనతో పఠాన్ షూటింగ్కు వెళ్లాల్సిన షారూక్ ఖాన్ తన షూటింగ్ను వాయిదా వేసుకున్నారు. ఓ సాంగ్ చిత్రీకరణ కోసం ఆయన స్పెయిన్ వెళ్లాల్సి ఉండగా, ఆర్యన్ ఖాన్ అరెస్ట్ అయిన సమాచారం తెలియడంతో ప్రయాణాన్ని రద్దు చేసుకున్నారని సమాచారం. అయితే ఆర్యన్ ఖాన్ను ఒకరోజు మాత్రమే కస్టడీలో ఉంచాలని కోర్టు చెప్పడంపై చాలా మంది విమర్శలు చేస్తున్నారు. ఆర్యన్ స్థానంలో ఓ సామాన్యుడు ఉండుంటే అధికారులు, కోర్టు ఇలా వ్యవహరించేదా? అని సోషల్ మీడియాలో ప్రశ్నిస్తున్నారు
from Telugu Movie News | Movie News in Telugu | Movie Gossips in Telugu https://ift.tt/3a49bda
No comments:
Post a Comment