నా భార్యకే విడాకులు ఇచ్చా.. నా పిల్లల తల్లికి కాదు.. నా రెండో భార్య నాకంటే 12 ఏళ్లు చిన్నది: ప్రకాష్ రాజ్

విలక్షణ నటుడు ప్రకాష్ రాజ్.. తన మొదటి భార్య లలిత కుమారికి విడాకులు ఇచ్చేసి 2010 ఆగష్టు‌లో పోనీ వర్మ అనే ఫేమస్ కొరియోగ్రాఫర్‌ని పెళ్లాడిన విషయం తెలిసిందే. వీరికి వేదాంత్ అనే కొడుకు ఉన్నారు. అయితే మొదటి భార్యతో ముగ్గురు పిల్లల్ని కన్నారు. వారిలో ఇద్దరు కూతుళ్లు కాగా.. ఒక కొడుకు. ఓ యాక్సిడెంట్‌లో ఐదేళ్ల కొడుకును కోల్పోయారు ప్రకాష్ రాజ్. ఇదిలా ఉంటే.. ప్రస్తుతం మా ఎన్నికల హీట్‌లో హాట్ టాపిక్ అవుతున్న ప్రకాష్ రాజ్.. తన పర్సనల్ లైఫ్‌ గురించి ఆసక్తికరమైన విషయాలను పంచుకున్నారు. తన మొదటి భార్య లలిత కుమారి (లత)కి ఎందుకు విడాకులు ఇవ్వాల్సి వచ్చిందో తెలియజేశారు. ‘నాకు నా భార్య లలిత కుమారికి మధ్య కొన్ని విషయాలు పడలేదు.. కోర్టుకి వెళ్లాం డైవర్స్ తీసుకున్నాం. నేను నా భార్యకి మాత్రమే విడాకులు ఇచ్చాను. నా పిల్లల తల్లికి ఇవ్వలేదు. నా తల్లి తన కోడలికి ఇవ్వలేదు.. మేం విడిపోవడం అనేది మా ఇద్దరికీ సంబంధించిన విషయం మాత్రమే. నాకు మళ్లీ పెళ్లి చేసుకోవాలని అనిపించింది. నా పెద్ద కూతురు, అమ్మ, చెల్లిలను అడిగే నిర్ణయం తీసుకున్నాను. నేను మళ్లీ పెళ్లి చేసుకోవాలని అనుకుంటున్నాను.. మీరేం అంటారని అడిగాను. నా పెద్ద కూతురు వెరీ గుడ్ డాడీ మంచి నిర్ణయం అని చెప్పింది. ఆ తరువాత నేను పెళ్లి చేసుకును ఆ అమ్మాయి ఇంటికి వెళ్లి.. నాకు ఆల్రెడీ ఇద్దరు కూతుళ్లు ఉన్నారు.. ఈమెకు నాకు 12 ఏళ్లు తేడా ఉంది. అయినా సరే.. మీ అందరితో నాకు ఒక ఫ్యామిలీ కావాలి. నా పెళ్లికి నా ఇద్దరు కూతుళ్లు వస్తారు.. వాళ్లే పెళ్లి జరిపిస్తారు అని చెప్పాను. నా మొదటి భార్యని నేను ఇప్పుడు నేను భర్తని కాకపోవచ్చు కానీ.. ఇప్పుడు మంచి ఫ్రెండ్‌ని. నా పిల్లలకు ఆమే తల్లి.. రేపటి రోజున నా పెద్ద కూతురు పెళ్లి అంటే.. నేను లతనే కూర్చోవాలి.. దగ్గరుండి పెళ్లి జరిపించాలి. లోకం కోసం అబద్ధం చెప్పి బతకకూడదనే ఈ నిర్ణయం తీసుకున్నాం.. అందరం కలిసే ఉన్నాం.. హ్యాపీగానే ఉన్నాం తను చెన్నైలో ఉంటుంది.. నేను హైదరాబాద్‌లో ఉంటున్నా.. నా పిల్లలు అక్కడే అక్కడే ఉంటారు. నాకు ఒక కొడుకు పుట్టాడు.. వాడ్ని తమ్ముడూ అని నా కూతుళ్లు రాఖీ కట్టడానికి వస్తారు.. వాళ్లంతా హ్యాపీగానే ఉంటారు. లతకి ఈమె చీర పంపుతుంది.. ఈమెకు ఆమె చీర పంపుతుంది. ఇద్దరూ బాగానే ఉంటారు. నా భార్యతో లత (మొదటి భార్య)కి ప్రాబ్లమ్ లేదు. ఎందుకంటే డైవర్స్ తీసుకున్నది వాళ్లు కాదు నేను లత. మా ఇద్దరికీ పుట్టిన బాబుని కోల్పోయినప్పుడు బతకలేమో అనుకున్నా కానీ.. నా కూతుళ్లు.. తల్లీ ఇవన్నీ ఆలోచించి బతకాలనిపించింది. తరువాత ఇప్పుడు నా రెండో భార్యకి ఓ కొడుకు పుట్టాడు. హ్యాపీగానే ఉన్నాం. బాధల్ని పంచుకోకూడదు.. సంతోషాలనే పంచుకోవాలి.. జీర్ణించుకోవాలని అనుకున్నా. ఎంతైనా నా కొడుకును కోల్పోయిన బాధ ఇప్పటికీ ఉంది’ అంటూ ఎమోషనల్‌గా మాట్లాడారు ప్రకాష్ రాజ్.

from Telugu Movie News | Movie News in Telugu | Movie Gossips in Telugu https://ift.tt/3Caydnk