'ఛలో' సినిమాతో టాలీవుడ్ గడపతొక్కి లక్కీ బ్యూటీగా వరుస ఆఫర్స్ పట్టేస్తుంది యంగ్ హీరోయిన్ . నేషనల్ క్రష్‌గా యూత్ ఆడియన్స్‌ని ఫిదా చేస్తూ స్టార్ హీరోలకు బెటర్ ఛాయిస్ అవుతోంది. రష్మిక ఏ సినిమా చేస్తే అది హిట్ పక్కా అనే ముద్ర తనపై వేసుకొని లక్కీ లేడీగా సత్తా చాటుతోంది. దీంతో టాలీవుడ్‌తో బాలీవుడ్ సహా ఇతర సౌత్ ఇండియన్ భాషల నుంచి కూడా ఆమెకు ఆఫర్స్ వెల్లువెత్తుతున్నాయి. ఈ నేపథ్యంలోనే యంగ్ డైరెక్టర్ రాహుల్ రవీంద్రన్‌తో ఓ సినిమా చేసేందుకు ఆమె కమిటైందని తెలుస్తోంది. నటుడిగా రాణిస్తూనే దర్శకుడిగా తన మార్క్ చూపించాలని ప్రయత్నాలు చేస్తున్న రాహుల్ రవీంద్రన్.. గతంలో ‘చి.ల.సౌ’ అనే కాన్సెప్ట్ ఓరియెంటెడ్ సినిమా రూపొందించి సూపర్ హిట్ అందుకున్నాడు. ఆ తర్వాత నాగార్జునతో ‘మన్మథుడు- 2’ సినిమా చేసి డిజాస్టర్ మూటగట్టుకున్నాడు. ఈ నేపథ్యంలో ప్రముఖ నిర్మాణ సంస్థ గీతా ఆర్ట్స్ బ్యానర్‌లో ఓ సినిమా చేసే అవకాశం దక్కించుకున్న ఆయన.. లక్కీ హీరోయిన్ రష్మికతో కలిసి హిట్ పట్టేయాలని ప్లాన్ చేస్తున్నారట. రష్మిక కోసం లేడీ ఓరియెంటెడ్ కథ రెడీ చేసిన రాహుల్.. ఆమెకు ఈ కథ వినిపించి గ్రీన్ సిగ్నల్ తీసుకున్నారని తెలుస్తోంది. స్టోరీ విన్న రష్మిక ఇంప్రెస్ అయి వెంటనే ఓకే చేసిందని, త్వరలో డేట్స్ కూడా ఇస్తానని చెప్పిందని సమాచారం. ఇతర నటీనటుల ఎంపిక కూడా పూర్తి చేసి ఈ సారి పక్కా వ్యూహంతో రంగంలోకి దిగాలని చూస్తున్నారట రాహుల్ రవీంద్రన్. సో.. చూడాలి మరి రష్మిక లక్ రాహుల్‌కి ఎంతమేర ఫేవర్ చేస్తుందనేది!.
from Telugu Movie News | Movie News in Telugu | Movie Gossips in Telugu https://ift.tt/3nmpvOo
No comments:
Post a Comment