బాలీవుడ్‌లో అత్యంత క్రేజ్ ఉన్న హీరోలలో ఒకరు. ఆయన సినిమా వస్తుందంటే చాలు అభిమానులు పండుగ చేసుకుంటారు. సినిమా ఎలా ఉన్నా.. నిర్మాణాత్మక విలువలు ఎలా ఉన్నా కూడా తన సినిమా అనగానే తెగ చూస్తారు అభిమానులు. అయితే చాలాకాలంగా సల్మాన్ హిట్ సినిమాను అందుకోలేకపోతున్నారు. చివరిగా ‘భజరంగి భాయ్‌జాన్’ సినిమా తర్వాత ఆయన ఆయన సినిమాలు ఏమీ పెద్దగా హిట్ సాధించలేదు. అయితే భాయ్ మాత్రం తన స్టైల్ మార్చలేదు. అదే భారీ బడ్జెట్‌తో అనవసరమైన యాక్షన్‌తో సినిమాలు చేస్తూ బోల్తా పడుతూ వచ్చాయి. ఇక సల్మాన్ వివాదాల్లో కూడా ఎప్పుడు ముందు ఉంటారు. కొన్ని సంవత్సరాల క్రితం ఆయనపై ‘హిట్ అండ్ రన్’ కేసు నమోదు అయిన విషయం తెలిసిందే. దీనిపై చాలాకాలం కోర్టులో విచారణ జరుగగా ఆ తర్వాత ఆయన నిర్ధాషి అని తేలింది. ప్రస్తుతం పలు భారీ ప్రాజెక్టులతో బిజీగా ఉన్న ఆయనను ఓ విషయం తీవ్ర ఇబ్బంది పెడుతోందట. అదేంటో కాదు.. ఆయన పేరుతో రూపొందించిన ఓ గేమ్. బాలీవుడ్‌లో సల్మాన్ ఖాన్‌ను అభిమానులు ముద్దుగా సల్మాన్ భాయ్ అంటూ పిలుస్తారనే విషయం అందరికి తెలిసిందే. అయితే దానికి స్పూఫ్‌గా ‘సెల్మాన్ భాయ్’ అనే ఓ గేమ్ షోని రూపొందించారు. పేరడీ స్టూడియోస్‌ ప్రైవేట్‌ లిమిటెడ్‌ రూపొందించిన ఈ గేమ్ షో.. సల్మాన్‌పై ఉన్న ‘హిట్ అండ్ రన్’ కేసు మీద ఆధారపడి ఉంది. దీంతో ఆయన ఈ గేమ్ తనకు అప్రతిష్ట తెచ్చేలా ఉంది అంటూ పోలీసులకు ఫిర్యాదు చేశారు. తన అనుమతి లేకుండా ‘సెల్మాన్ భాయ్’ గేమ్‌ని డెవలప్ చేశారు అని ఆయన ఫిర్యాదులో పేర్కొన్నారు. దీంతో ఈ వీడియో గేమ్‌ను తాత్కాలికంగా నిలిపివేయాలని తాజాగా ఆదేశించారు. దీనికి సంబంధించిన ఉత్తర్వులను సివిల్ కోర్టు జడ్జి కెఎం జైస్వాల్ సోమవారం (సెప్టెంబర్‌ 6న) జారీ చేసింది. ఈ విషయమై సెప్టెంబర్‌ 20లోగా అఫిడవిట్‌ దాఖలు చేయాలని గేమ్ డెవలపర్స్‌కి కోర్టు ఆదేశాలు జారీ చేసింది. ప్రస్తుతం ఆయన ‘లాల్ సింగ్ చద్ధా’ అనే సినిమాలో ఓ ప్రత్యేక పాత్రలో కనిపించనున్నారు.
from Telugu Movie News | Movie News in Telugu | Movie Gossips in Telugu https://ift.tt/3l0FcIl
No comments:
Post a Comment