‘భవదీయుడు భగత్ సింగ్’గా పవన్.. ట్రీట్ ఇచ్చిన హరీష్ శంకర్

పవన్ కళ్యాణ్ కాంబినేషన్ అంటే పవర్ స్టార్ అభిమానులకు ఎప్పుడూ ప్రత్యేకమే. గబ్బర్ సింగ్ లాంటి సినిమాను మరోసారి తీయండి అంటూ హరీష్ శంకర్‌కు ఎప్పుడూ ఫ్యాన్స్ రిక్వెస్ట్‌లు పెడుతుంటారు. అలా మొత్తానికి పవర్ స్టార్ అభిమానుల కోరిక నెరవేరింది. మైత్రీ మూవీస్ నిర్మాతలుగా హరీష్ శంకర్ సినిమాను ప్రకటించేశారు. ప్రీ లుక్, ప్రీ పోస్టర్లతో ఇప్పటికే నానా సందడి చేసేశారు. అయితే పవన్ కళ్యాణ్ బర్త్ డే రోజు అదిరిపోయే అప్డేట్ ఇస్తారని అంతా భావించారు. టైటిల్ అండ్ ఫస్ట్ లుక్ విడుదల చేస్తారని అభిమానులు భావించారు. కానీ టైటిల్ ప్రకటింలేదు. పోస్టర్లో పవన్ కళ్యాణ్‌ను సగమే చూపించారు. అయినా కూడా అభిమానులేమీ అంతగా అసంతృప్తికి లోనవ్వలేదు. కానీ ఇప్పుడు తాజాగా ఫస్ట్ లుక్ అండ్ టైటిల్‌ను ప్రకటించారు. ఇలా సడెన్‌గా ప్రకటించడం ఏంటి? ఇదేదో బర్త్ డే స్పెషల్‌గానే విడుదల చేస్తే బాగుండు కదా? కనీసం రేపు వినాయక చవితి స్పెషల్‌గానైనా విడుదల చేస్తే బాగుండు కదా? అని అంటున్నారు. మొత్తానికి పవన్ కళ్యాణ్ హరీష్ శంకర్ కాంబోకి సంబంధించిన అప్డేట్ వచ్చింది. భవదీయుడు భగత్ సింగ్ అంటూ టైటిల్ అండ్ ఫస్ట్ లుక్ విడుదలచేశారు. ప్రస్తుతం ఈ పోస్టర్ నెట్టింట్లో వైరల్ అవుతోంది. భగత్ సింగ్ అంటే తనకు ఇష్టమని పవన్ కళ్యాణ్ ఇది వరకు ఎన్నో సార్లు చెప్పుకొచ్చారు. అలాంటిది ఏకంగా భవదీయుడు భగత్ సింగ్ అంటూ టైటిల్ పెట్టడం చూస్తే.. ఈ సారి పవన్ కళ్యాణ్‌ను హరీష్ శంకర్ వేరే లెవెల్‌లో చూపించేందుకు రెడీ అవుతున్నట్టు తెలుస్తోంది.

from Telugu Movie News | Movie News in Telugu | Movie Gossips in Telugu https://ift.tt/3zZ95ie