సీఎం.. సీఎం అనే అరుపులు.. మెడపై రుద్దుడు కాదు.. జనసైనికులూ బీ అలర్ట్

అందరికీ అభిమానులు ఉంటారు.. ఇతనికి మాత్రం భక్తులు ఉంటారు.. ఆ భక్తి ఎంతవరకూ అంటే ఊహాతీతం అనేంతగా. అడగాలే కానీ ప్రాణం ఇచ్చేంతగా ప్రేమిస్తుంటారు.. అభిమానిస్తుంటారు.. ఆరాధిస్తుంటారు. అసెంబ్లీ ఎన్నికల్లో ఓడిపోయి ఉండొచ్చు.. సినిమాల్లో కనిపించక పోవచ్చు.. బట్ ఫ‌లితాలు ఆశించి నా ద‌గ్గ‌ర‌కు రాకండి.. న‌న్నుగా ప్రేమించి అభిమానించే వారంతా ప్ర‌జా క్షేత్రాన సైనికుల్లా తోటి వారి బాగు కోసం ప‌నిచేయండి’ అని హితవు పలికే రియల్ స్టార్ అతడు.. అందుకే పవర్ స్టార్ అంటే ప్రాణం పెడుతుంటారు ఆయన అభిమానులు. మెలికలు తిరిగే డాన్స్‌లు చేయడు.. గాల్లో ఎరిగే ఫైట్లు ఉండవు.. గ్రాఫిక్స్ మాయాజాలాలు ఉండవు.. కేవలం ఆ కళ్లలోనే పవర్.. చేయి మెడపై పెట్టి అటు ఇటు రుద్దాడంటే జనానికి పూనకాలు. చెప్పుకోద‌గ్గ యాక్ట‌ర్ కానే కాదు కానీ ఎందుకీ క్రేజ్..? అందుకే అంటాడు ఇది అన్న‌య్య భిక్ష అని.. ఈపాటి అంగీకారం ఆయ‌న‌లో ఉంది కాబట్టే ఆయన పవర్ స్టార్ అయ్యారు. ‘‘జ‌నం కోసం ప‌రిత‌పించండి.. నా నామ జ‌పం మానుకోండి’’.. అని ఎర్ర తుండు గుడ్డ కట్టి.. ఉద్వేగం నింపే మాటలు ఆయన అభిమానుల మెదళ్లలో సరిగా నాటుకుని ఉంటే ఈరోజున ఆయన అధినాయకుడే అయ్యేవాడు. సీఎం.. సీఎం అనే అరుపులు తప్ప ఆ ఉద్వేగ ఝ‌రిని అర్థం చేసుకునే నిజమైన అభిమానులు కరువైనందుకనే ఈ జనసేనాని జనం మెచ్చిన నేత కాకపోయాడు. నిజానికి పవన్ బలం.. బలహీనత ఆయన అభిమానులే. సినిమా పరంగా ఆయన్ని అగ్రపీఠాన కూర్చోబెట్టిన అభిమానం.. రాజకీయంగా కిందకి లాగేస్తుంది. ఆయనకు చేయాల్సిందల్లా సీఎం సీఎం అనే కూతలు కాదు.. ఒక్కో అభిమాని ఒక్క సైనికుడిలా మారడం.. నాలుగు ఓట్లు వచ్చే పనులు చేయడం. ఇది సందర్భం కాకపోయినా.. పవన్ కళ్యాణ్‌ నిజమైన అభిమాని.. ఆయన్ని సినిమాల్లో నెం.1 ప్లేస్‌లో చూసి ఎంత ఆనందపడ్డారో.. రాజకీయాల్లోనూ అలానే చూడాలని పరితపిస్తుంటారు. ఎంతమంది ఎన్ని విధాలుగా విమర్శించినా.. ఆ ఉద్వేగ ఝ‌రి ప్ర‌జా క్షేత్రాన అగ్రపీఠంపై ఉండాలనే కోరుకుంటూ.. హ్యాపీ బర్త్ డే జనసైనిక పవర్ స్టార్ .

from Telugu Movie News | Movie News in Telugu | Movie Gossips in Telugu https://ift.tt/3kIWucT