'ఉప్పెన'లా వచ్చి యూత్ ఆడియన్స్ గుండెల్లో అలా స్థిరపడిపోయింది . అందాల ఆరబోతకు ఆమడ దూరం ఉంటూనే తెలుగు ప్రేక్షకుల చూపు తనవైపుకు తిప్పుకుంది. దీంతో ఆమెకు వరుస అవకాశాలు తలుపుతడుతున్నాయి. ఈ క్రమంలోనే అక్కినేని హీరోగా రూపొందుతున్న రొమాంటిక్ ఎంటర్టైనర్ '' సినిమాలో ఛాన్స్ పట్టేసింది కృతి. నేడు (సెప్టెంబర్ 21) ఈ బ్యూటీ పుట్టినరోజు సందర్భంగా ఆమెకు బెస్ట్ విషెస్ చెబుతూ స్పెషల్ అప్డేట్ ఇచ్చింది చిత్రయూనిట్. అక్కినేని నాగార్జున- కళ్యాణ్ కృష్ణ కురసాల కాంబోలో గతంలో వచ్చిన రొమాంటిక్ ఎంటర్టైనర్ 'సోగ్గాడే చిన్నినాయనా' సీక్వల్గా ఈ 'బంగార్రాజు' మూవీ రాబోతోంది. ఈ ప్రతిష్టాత్మక మూవీలో నాగ చైతన్య కూడా భాగమవుతున్నారు. కృతి శెట్టిని సెకండ్ హీరోయిన్గా తీసుకున్నారు. నాగార్జున సరసన రమ్యకృష్ణ నటిస్తుండగా.. నాగ చైతన్య జంటగా కృతి శెట్టి నటిస్తోంది. నాగార్జున సూచన మేరకు కృతికి ఈ అవకాశం ఇచ్చారని సమాచారం. ఈ నేపథ్యంలో తాజాగా ఈ చిత్రంలో కృతి శెట్టి క్యారెక్టర్ రివీల్ చేసింది చిత్రయూనిట్. నాగలక్ష్మిగా కృతి నటిస్తోందని తెలుపుతూ కొత్త పోస్టర్ రిలీజ్ చేశారు. ఈ పోస్టర్ని తన ట్విట్టర్ ఖాతా ద్వారా పంచుకున్న నాగార్జున.. ''వెరీ వెరీ హ్యాపీ బర్త్ డే డియర్ కృతి శెట్టి.. నిన్ను బంగార్రాజు సెట్స్లో కలవాలని ఆతృతగా ఉంది'' అని పేర్కొన్నారు. కళ్యాణ్ కృష్ణ కురసాల దర్శకత్వం వహిస్తున్న ఈ మూవీలో బంగార్రాజుగా నాగార్జున నటిస్తుండగా.. ఆయన భార్య సత్యభామ రోల్ రమ్యకృష్ణ పోషిస్తోంది. నాగార్జుననే నిర్మాతగా వ్యవహరిస్తున్న ఈ సినిమాను జీ స్టూడియోస్తో పాటు అన్నపూర్ణ స్టూడియోస్ సంయుక్తంగా సమర్పిస్తున్నాయి. అనూప్ రూబెన్స్ సంగీతం అందిస్తున్నారు. చిత్రంలో చలపతి రావు, రావు రమేష్, బ్రహ్మాజీ, వెన్నెల కిషోర్, ఝాన్సీ, బిగ్ బాస్ బ్యూటీ మోనాల్ గజ్జర్ కీలకపాత్రలు పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2ZdfKrD
No comments:
Post a Comment