బుల్లితెర నటుడు అర్హాన్ ఖాన్ సెలబ్రిటీ రియాల్టీ షో బిగ్ బాస్లోకి అడుగుపెట్టినప్పటి నుంచి ఏదో ఒక వివాదంలో చిక్కుకుంటున్నాడు. కాంట్రవర్సీలకు ముద్దు బిడ్డలా మారిపోయాడు. గతంలో ఓ బిడ్డకు తండ్రిని అన్న విషయం దాచి తోటి కంటెస్టెంట్ అయిన రష్మీ దేశాయ్ను పెళ్లి చేసుకోవాలని అనుకున్నాడు. అతని అసలు స్వరూపం బిగ్ బాస్ హోస్ట్ అయిన సల్మాన్ ఖాన్ బయటపెట్టడంతో అందరూ షాక్కు గురయ్యారు. ఇప్పుడు అతని మాజీ ప్రేయసి అమృత ధనోవా షాకింగ్ ఆరోపణలు చేసింది. ఇటీవల అమృత సెక్స్ రాకెట్లో పట్టుబడింది. ఆమెను ముంబయి పోలీసులు అరెస్ట్ చేశారు. అయితే తనను సెక్స్ రాకెట్లో ఇరికించేలా చేసింది అర్హాన్ ఖానేనని అమృత మీడియా ముందు బయటపెట్టింది. తనను జైల్లో పెట్టించేందుకు కుట్ర పన్నాడని తెలిపింది. తనపై అమృత చేస్తున్న ఆరోపణలపై తాజాగా అర్హాన్ స్పందించాడు. ‘అసలు నాకు అమృత ఎవరో కూడా తెలీదు. ఎవరో కూడా తెలీని అమ్మాయిని నేను సెక్స్ రాకెట్లో ఎందుకు ఇరికిస్తాను. అసలు అమృత అనే అమ్మాయి ఎవరో నాకు తెలీదని మొదటి నుంచి చెప్తున్నాను. కానీ కొన్ని మీడియా వర్గాలు ఆమె చెప్పే మాటలను పట్టించుకుని పాపులారిటీ కల్పిస్తోంది’ అని తెలిపాడు. అయితే అర్హాన్ తన మాజీ ప్రియుడని, ప్రేమిస్తున్నానని చెప్పి తన నుంచి ఐదు లక్షలు వసూలు చేశాడని గతంలో వెల్లడించింది. READ ALSO: దీని గురించి అర్హాన్ మాట్లాడుతూ.. అదే నిజమైతే ఆమె బ్యాంక్ ఖాతాలను తనిఖీ చేయించాలని అన్నాడు. ఒకవేళ ఐదు లక్షలు తీసుకున్న విషయం నిజమే అయితే ఆ డబ్బు వెనక్కి తిరిగి ఇచ్చేయడానికి తాను సిద్ధంగా ఉన్నానని తెలిపాడు. ఇద్దరం ప్రేమలో ఉన్న మాట నిజమైతే ఫొటోలు చూపించాలని డిమాండ్ చేస్తున్నాడు. అయితే తనని తాను అభిషేక్ బచ్చన్తో పోల్చుకుంటూ ఆసక్తికర వ్యాఖ్యలు చేశాడు అర్హాన్ ఖాన్. ‘‘గతంలో అభిషేక్ బచ్చన్ పెళ్లి సమయంలో కూడా ఇలాంటి వివాదమే జరిగింది. అభికి పెళ్లవుతోందని తెలిసి ఓ యువతి బిడ్డను వేసుకుని అభిషేకే తన భర్త అని నాటకం ఆడింది. ఆ తర్వాత ఇదంతా ఆమె డబ్బు కోసం చేసిందని తెలిసి పోలీసులు అరెస్ట్ చేశారు. అమృత కూడా అదే విధంగా ప్రవర్తిస్తోంది’ అని తెలిపారు. READ ALSO:
from Telugu Movie News | Movie News in Telugu | Movie Gossips in Telugu https://ift.tt/2QJiLcA
No comments:
Post a Comment