‘రూలర్’ సినిమాతో ప్రేక్షకుల ముందుకు వచ్చిన నట సింహ నందమూరి ఇప్పుడు తన తదుపరి సినిమా షూటింగ్‌ను మొదలుపెట్టేశారు. బోయపాటి శ్రీను దర్శకత్వంలో బాలయ్య ఓ సినిమాలో నటిస్తున్నారు. షూటింగ్ మొదలైపోయింది కూడా. అయితే ఈ సినిమాకు సంబంధించి ఓ ఆసక్తికరమైన టాపిక్ సోషల్ మీడియాలో హల్‌చల్ అవుతోంది. బాలయ్య సినిమాలో విలన్ పాత్ర చాలా కీలకం. బాలయ్యకు సమానంగా ఆ పాత్రను తీర్చిదిద్దుతారు దర్శకులు. అయితే బోయపాటి మాత్రం ఈసారి తప్పులో కాలేస్తున్నారేమో అనిపిస్తోంది. ఎందుకంటే.. ఈ సినిమాలో విలన్‌గా ప్రముఖ కమెడియన్ సునీల్‌ను ఎంపికచేసుకున్నారట. ఇటీవల విడులదైన ‘డిస్కో రాజా’ సినిమాలో సునీల్ ఓరకంగా విలన్ పాత్రనే పోషించారని చెప్పాలి. ఆయనలోని మరో కొత్త కోణాన్ని ప్రేక్షకులకు పరిచయం చేశారు దర్శకుడు వీఐ ఆనంద్. అందుకే విలన్‌గా ఈసారి సునీల్‌ను ఎంపిక చేసుకుంటే ఎలా ఉంటుంది అని బోయపాటి అనుకుంటున్నారట. అదీకాక మొన్న జరిగిన ‘డిస్కోరాజా’ సక్సెస్ మీట్‌లో సునీల్ ఓ మాటన్నారు. ఇకనుంచి తాను కండలుపెంచిన తెలుగు విలన్‌గా తెలుగులోనే కాకుండా ఇతర భాషల్లోనూ పేరు తెచ్చుకోవాలని అనుకుంటున్నట్లు తెలిపారు. కానీ బాలయ్యకు సునీల్ విలన్‌గా సరిపోతారా అనేది టాక్ ఇక్కడ. ఒకవేళ ఏమాత్రం తేడా వచ్చినా మొదటికే మోసం వచ్చేస్తుంది. READ ALSO: మరి బోయపాటి వ్యూహం ఏంటో ఆయనకే తెలియాలి. సినిమాలోని హీరో, విలన్ పాత్రలను బోయపాటి సరికొత్తగా డిజైన్ చేసినట్లు టాలీవుడ్ వర్గాల సమాచారం. బాలయ్యను అఘోరా బాబాగా చూపించనున్నట్లు ఎప్పటి నుంచో వార్తలు వస్తున్నాయి. బాలయ్య 106వ సినిమాగా తెరకెక్కుతున్న ఈ చిత్రానికి మిర్యాల రవీందర్ రెడ్డి నిర్మాతగా వ్యవహరిస్తున్నారు. ఏఫ్రిల్‌లో షూటింగ్ కంప్లీట్ చేసి మేలో సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఇప్పటికే వీరిద్దరి కాంబినేషన్‌లో ‘సింహా’, ‘లెజెండ్‌’ సినిమాలు వచ్చాయి. ఈ రెండూ మంచి విజయం సాధించాయి. READ ALSO:
from Telugu Movie News | Movie News in Telugu | Movie Gossips in Telugu https://ift.tt/2O6YHPI
No comments:
Post a Comment