‘జబర్దస్త్’ త్రిమూర్తులు సుడిగాలి సుధీర్, ఆటో రాంప్రసాద్, గెటప్ శ్రీను ప్రధాన పాత్రల్లో నటించిన సినిమా ‘త్రీ మంకీస్’. అనిల్ కుమార్ దర్శకత్వం వహించారు. ఆదివారం సినిమా ట్రైలర్ లాంచ్ చేశారు. వేడుకకు హాస్యబ్రహ్మ బ్రహ్మానందం ముఖ్య అతిథిగా విచ్చేశారు. ఈ సందర్భంగా బ్రహ్మీ ఆ ముగ్గురిపై వేసిన పంచ్‌లు వింటే పొట్టచెక్కలయ్యేలా నవ్వుకుంటారు. ఇంతకు బ్రహ్మీ ఏమన్నారంటే... ‘‘పది రోజుల క్రితం సుధీర్, శీను, రాంప్రసాద్ నా వద్దకు వచ్చారు. గురువుగారు అని ఒకరు, గురూజీ అంటూ ఇంకొకరు, బాగా సన్నబడ్డారే అని మరొకరు మొదలెట్టారు. నాకు మ్యాటర్ అర్థమైపోయింది. ‘త్రీ మంకీస్’ ట్రైలర్ లాంచ్‌కు అతిథిగా రమ్మంటున్నారని తెలిసిపోయింది. అందుకే వారు ఏమీ చెప్పకుండానే నేను వస్తాన్రా అని అన్నాను. వీరు ముగ్గురూ నాకు కొడుకుల్లాంటివారే. నా వద్దకు రాగానే తెగ యాక్ట్ చేసేశారు. నాకు వాళ్లంటే చాలా ఇష్టం. ఎందుకంటే వాళ్లు కమెడియన్స్. నాకు కామెడీ చేసేవారంటే చాలా ఇష్టం. సన్నీ అంటే నాకు చాలా ఇష్టం. ఎందుకంటే నాకంటే పొట్టిగా ఉంటాడు’’ READ ALSO: ‘‘‘త్రీ మంకీస్’ హిట్ అవ్వాలని కోరుకుంటున్నాను. సినిమా సక్సెస్ అయ్యాక కూడా నన్నే పిలువండి. మళ్లీ ఇంకొర్ని బుక్ చేసుకునేరు. చెడు వినకు, చెడు మాట్లాడకు, చెడు చూడకు అన్న కాన్సెప్ట్‌తో ఈ సినిమా చేశారని నాకు ట్రైలర్ చూశాక అనిపిస్తోంది. రాంప్రసాద్, శీను, సుధీర్ కోసం చాలా మంచి ప్రేక్షకులు ఎదురుచూస్తున్నారు. అయితే వీరిపై ఓ టాక్ కూడా ఉంది. వీరు ముగ్గురూ చాలా బాగా కామెడీ చేస్తారు కానీ డబుల్ మీనింగ్ డైలాగులు ఎక్కువగా ఉంటాయని అనేవారు’’ ‘‘ డబుల్ మీనింగ్ అనేది ఎలా తెలుస్తుంది. మనం చూస్తేనే కదా తెలిసేది. హాస్యం పండించడం అంటే సాధారణమైన విషయం కాదు. వీరంతా ఎలా చేస్తే హాస్యం పండుతుంది అన్న విషయంలో బాగా తపిస్తుంటారు. వాళ్లు నవ్విస్తున్నారా లేదా అనేదే మనకు కావాలి. మనం వారిపై కామెంట్స్ చేయడం కంటే కాంప్లిమెంట్స్ పాస్ చేయడం బెటర్. కామెడీకి ఇండస్ట్రీలో ప్రత్యేకమైన స్థానం ఉంది. కమెడియన్స్‌ను చూడగానే మనసులో ఉన్న బాధంతా పోతుంది. అది కమెడియన్స్ గొప్పతనం. అనిల్ కుమార్ సినిమాను చాలా కష్టపడి తీశారు. ‘త్రీ మంకీస్’ సినిమా విజయం సాధించాలని నేను కోరకుంటున్నాను’’ అంటూ అందర్నీ తన మాటలతో నవ్వించారు బ్రహ్మీ. READ ALSO:
from Telugu Movie News | Movie News in Telugu | Movie Gossips in Telugu https://ift.tt/2GrlEJ6
No comments:
Post a Comment