Rajamouli : దర్శక ధీరుడు.. రాజమౌళికి బర్త్‌డే విషెస్

SS రాజమౌళి.. 18 సంవత్సరాల క్రితం ఈయన స్టూడెంట్ నంబర్ 1 అనే సినిమా తీస్తే అప్పడు అంతా దాన్ని వేరొక డైరెక్టర్‌కి కట్టబెట్టారు. రాజమౌళిని చులకనగా చూసారు. ఎందుకంటే అప్పటికి వాళ్ళకు తెలియదు ఫ్యూచర్‌లో ఇదే పేరు ఇండియన్ సినిమాకే తలమానికంగా నిలుస్తుంది అని, ఇదే వ్యక్తి ఇండియన్ సినిమాకే ఒక వరంలా మారతాడని, ఇతని విజన్ కోట్లాది మంది మనసుల్లో చెరగని ముద్ర వేసి వేలకోట్ల వసూళ్ళు సాధిస్తుందని...అందుకే ఆ రోజు అలా మాట్లాడారు. కానీ మాత్రం ఆ రోజు అదే చిరునవ్వు.. ఈ రోజు కూడా చెక్కుచెదరని అదే నవ్వుతో కనిపించాడు, కనిపిస్తున్నాడు, కనిపిస్తాడు కూడా. Also Read: ఎందుకంటే అతను ఏం చెయ్యగలడు అని మాటల్లో చెప్పడం రాదు అందుకే అతను చెయ్యాలనుకున్నది, కలగన్నది ఎంత కష్టమయినా, అసాధ్యం అయినా కూడా సాధించి తీరతాడు. అందుకే అతన్ని పొగడడానికి దర్శక ధీరుడు, దర్శక బాహుబలి, ఆల్ టైమ్ గ్రేట్ డైరెక్టర్ లాంటి పదాలు కూడా సరితూగగలవా అనిపిస్తుంది. ఎప్పటికప్పుడు తనని తానే దాటి గెలవాలి అనే కసి, కొత్తగా ఎదో నేర్చుకోవాలి అనే ఆరాటం, ఆ నేర్చుకున్న దానితో అద్భుతాలు సృష్టించాలి అనే పోరాటం. అందుకే రాజమౌళి మెదడులో ఈగ,మగధీర, బాహుబలి లాంటి కళాఖండాలు పురుడుపోసుకున్నాయి. తెలుగు సినిమా తలెత్తుకుని నిలబడేలా, ప్రపంచం అంతా టాలీవుడ్‌ని గుర్తించేలా, మనం అంతా గర్వపడేలా చేశాయి. ఒకప్పుడు సింహాద్రి, ఛత్రపతి లాంటి సినిమాలు రాజమౌళి తీసాడు అంటే ఇప్పుడు నమ్మడం కష్టమే. Also Read: తెలుగులో సై లాంటి స్పోర్ట్స్ డ్రామా టచ్ చెయ్యాలంటే ఎవ్వరికి గట్స్ లేని రోజుల్లో కేవలం తియ్యాలి అనే తపన, తియ్యగలను అనే నమ్మకం మాత్రమే తోడుగా రాజమౌళి ఆ సినిమా తీసి, హిట్ కొట్టి చూపించాడు. ఎన్టీఆర్ కెరీర్‌కి ప్రాణం పోసిన రాజమౌళి మళ్ళీ అతన్ని సరికొత్తగా మలిచి యమదొంగ అంటూ మరొక బ్లాక్ బస్టర్ కట్టబెట్టాడు. మగధీర అయితే తెలుగు సినిమా చరిత్రలోనే సంచలనం అనే మాట చాలా చిన్నది. ఎందుకంటే ఇక్కడి కంటే ఎక్కువ వనరులు, టెక్నాలజీ అందుబాటులో ఉన్న బాలీవుడ్ సైతం ఆ సినిమా రీమేక్ చెయ్యడానికి సాహసించలేదు.ఈగ అంటూ జక్కన్న మొదలుపెట్టిన చిన్న ప్రయత్నం ఇండియన్ బాక్సాఫీస్ దగ్గర సంచలనాలు సృష్టించింది. Also Read: రాజమౌళి తీసిన బాహుబలి...ఈ ఒక్క సినిమాతో ఇండియన్ సినిమా బాహుబలికి ముందు, బాహుబలికి తరువాత అనే పరిస్థితి వచ్చింది. బాహుబలి సిరీస్‌లోని రెండు సినిమాలతో ప్రేక్షకుల మనస్సులలో సింహాసనం వేసుకుని కూర్చున్నాడు జక్కన్న. అతను పడిన అయిదేళ్ళ అలుపెరగని శ్రమ వల్ల వందేళ్ళ తరువాత చూసిన కూడా క్లాసిక్ అనదగ్గ బాహుబలి మనకు దక్కింది. ఇక ఇప్పుడు రాజమౌళి తీస్తున్న RRR సినిమా గురించి ఎన్ని దేశాలు వెయిటింగ్‌లో ఉన్నాయో తెలుసా. అది పాన్ ఇండియా సినిమా అనేకంటే కూడా వరల్డ్ సినిమా, యూనివర్సల్ సినిమా అంటే బెస్ట్. ఇప్పటికే ఇండియన్ సినిమా శిఖరాగ్రాన్ని అధిరోహించిన రాజమౌళి అలియాస్ జక్కన్న ఈ సారి RRR తో బాహుబలికి పదింతలు సక్సెస్ అందుకోవాలని, ముందు ముందు కూడా కలకాలం నిలిచిపోయే కళాఖండలు తియ్యాలని కోరుకుంటూ శ్రీశైల శ్రీ రాజమౌళికి స్పెషల్‌గా పుట్టినరోజు శుభాకాంక్షలు తెలిజేస్తుంది సమయం. హ్యాపీ బర్త్ డే టు SS రాజమౌళి.

from Telugu Movie News | Movie News in Telugu | Movie Gossips in Telugu https://ift.tt/2p5wa3m