బాలీవుడ్ బ్యూటీ దీపిక పదుకోన్.. హీరో రానా దగ్గుబాటిపై చూపించిన అభిమానం నెటిజన్లను ఆకట్టుకుంటోంది. సోమవారం ముంబయిలో జియో మామి ఫిలిం ఫెస్టివల్ ఘనంగా జరిగింది. నిన్నటితో ఈ వేడుక ముగిసింది. వేడుకకు , రానా దగ్గుబాటితో పాటు ఎందరో సినీ ప్రముఖులు హాజరై సందడి చేశారు. అయితే ముందు దీపిక స్టేజ్‌పైకి వెళ్లగానే ఫొటోగ్రాఫర్లకు పోజులిచ్చారు. ఆ తర్వాత మరో ముగ్గురు ప్రముఖులతో పాటు రానా కూడా స్టేజ్‌పైకి వచ్చాడు. ఇక్కడ దీపిక, రానా మధ్య ఓ ఆసక్తికరమైన సంఘటన చోటుచేసుకుంది. దీపిక, రానా కలిసి గ్రూప్ ఫొటో దిగారు. ఆ తర్వాత రానా అక్కడి నుంచి వెళ్లిపోతుంటే.. ‘రానా రా.. మనం కలిసి ఫొటో దిగుదాం’ అని పిలిచారు. అప్పుడు రానా మళ్లీ వెనక్కి వచ్చి దీపికతో ఫొటో దిగాడు. ఆ సమయంలో తీసిన వీడియో ఒకటి సోషల్ మీడియాలో వైరల్ అవుతోంది. దీపిక రానా పట్ల చూపిస్తున్న అభిమానానికి ప్రేక్షకులు కూడా ఫిదా అయ్యారు. దీపిక నటించిన ‘యే జవానీ హై దివానీ’ సినిమాలో రానా.. దీపిక స్నేహితురాలి పాత్రలో నటించాడు. అప్పటినుంచి వీరిద్దరూ మంచి ఫ్రెండ్స్ అయిపోయారు. ‘బాహుబలి’ సినిమాతో రానాకు కూడా ఇంటర్నేషనల్ లెవల్‌లో స్టార్‌డం వచ్చింది. అయితే బాహుబలి కంటే ముందే బాలీవుడ్ ప్రేక్షకులకు రానా సుపరిచితుడు. 2011లో వచ్చిన ‘దమ్ మారో దమ్’ చిత్రంలో రానా కథానాయకుడిగా నటించాడు. ఇందులో దీపిక టైటిల్ సాంగ్‌లో మెరిశారు. ఇక బాహుబలి తర్వాత ఉత్తరాదిన రానా మార్కెట్ అమాంతం పెరిగిపోయింది. అక్కడ రానాను హీరోగా స్ట్రెయిట్ ఫిలింస్‌లో తీసుకోవడానికి కూడా దర్శక, నిర్మాతలు ముందుకొస్తున్నారు. ఇటీవల రానా అనారోగ్య సమస్యలతో అమెరికాలో ట్రీట్‌మెంట్ తీసుకుని వచ్చినట్లు తెలుస్తోంది. రానా బాగా సన్నబడ్డారు. దాంతో ఆయన ఆరోగ్య విషయంపై అభిమానులు ఆందోళన చెందుతున్నారు. కొంతకాలం క్రితం ఆయనకు కిడ్నీ సర్జరీ జరిగినట్లు తెలుస్తోంది. అయినప్పటికీ రానా అభిమానులతో సోషల్ మీడియా ద్వారా టచ్‌లో ఉంటున్నారు. ప్రస్తుతం రానా ‘విరాటపర్వం’ సినిమాతో బిజీగా ఉన్నారు. ఇందులో సాయి పల్లవి కథానాయికగా నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2pnxE9x
No comments:
Post a Comment