మార్కెట్‌లో `భారతీయుడు` హల్‌చల్‌.. లీకైన పిక్స్‌

లోకనాయకుడు , సౌత్‌ టాప్‌ డైరెక్టర్‌ కాంబినేషన్‌లో తెరకెక్కుతున్న తాజా చిత్రం ఇండియన్‌ 2. ఇదే కాంబినేషన్‌లో ఘన విజయం సాధించిన ఇండియన్ ( తెలుగులో భారతీయుడు) సినిమాకు సీక్వెల్‌గా ఈ సినిమానూ రూపొందిస్తున్నారు. తొలి భాగంలో ద్విపాత్రాభినం చేసిన కమల్‌, ఆ సినిమాలో డ్యూయల్‌ రోల్‌లో నటించాడు. అందులో భారతీయుడు పాత్రలో 70 ఏళ్ల వృద్దుడిగా కనిపించాడు కమల్‌. తాజాగా ఈ సీక్వెల్‌ కోసం 90 ఏళ్ల వృద్ధుడిగా కనిపించనున్నాడట. ఇప్పటికే చాలా సార్లు షూటింగ్ వాయిదా పడుతూ వచ్చిన ఇండియన్‌ 2 ఫైనల్‌గా పట్టాలెక్కింది. దర్శకుడు శంకర్‌, నిర్మాతలు లైకా ప్రొడక్షన్స్‌ మధ్య వచ్చిన వివాదాలతో ఒక దశలో సినిమా ఆగిపోయినట్టుగా ప్రచారం జరిగింది. Also Read: లైకా సంస్థ బడ్జెట్‌ విషయంలో పరిమితులు విధించటంతో శంకర్‌ ప్రాజెక్ట్‌ను మరో బ్యానర్‌లో చేసేందుకు ప్రయత్నాలు చేశారన్న ప్రచారం జరిగింది. అయితే ఫైనల్‌గా లైకా కండిషన్స్‌కు ఒప్పుకున్న శంకర్‌, ముందుగా అనుకున్న బడ్జెట్‌లోనే సినిమాను పూర్తి చేసేందుకు అంగీకరించాడు. దీంతో ఇండియన్‌ 2 షూటింగ్ ఊపందుకుంది. Also Read: తన సినిమాల షూటింగ్‌ల విషయంలో శంకర్‌ చాలా జాగ్రత్తలు తీసుకుంటాడు. ఆన్‌లోకేషన్‌కు సంబంధించిన ఒక్క పిక్‌ కూడా బయటకు రాకుండా జాగ్రత్తలు తీసుకుంటాడు. అందుకే షూటింగ్ లోకేషన్‌లోకి మొబైల్‌ ఫోన్స్‌ను కూడా అనుమతించడు. అయితే ఎన్ని జాగ్రత్తలు తీసుకున్నా సినీ రంగాన్ని లీకుల బెడద మాత్రం వదలటం లేదు. తాజాగా మరో ఇండియన్‌ 2 షూటింగ్‌కు సంబంధించిన ఫోటోలు సోషల్‌ మీడియాలో వైరల్‌గా మారాయి. ఓ మార్కెట్‌లో సేనాపతి పాత్రలో ఉన్న కమల్‌ గుర్రంపై వెళుతున్న ఫోటోలు అభిమానులను ఆకట్టుకుంటున్నాయి. అయితే ఈ సన్నివేశానికి సంబంధించిన షూటింగ్‌ ఎక్కడ చిత్రీకరించారన్న విషయం మాత్రం తెలియలేదు. భారీ బడ్జెట్‌తో ప్రతిష్టాత్మకంగా తెరకెక్కిస్తున్న ఈ సినిమాలో సిద్ధార్థ్‌, రకుల్‌ ప్రీత్ సింగ్, ప్రియా భవానీ శంకర్‌, బాబీ సింహా, వివేక్‌, విద్యుత్‌ జమ్వాల్‌లు కీలక పాత్రల్లో నటిస్తున్నారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2N9gnsJ