‘హౌస్‌ఫుల్ 4’ ట్విటర్ రివ్యూ: బాక్సాఫీస్ కూడా హౌస్‌ఫుల్లేనట!

మొన్నటివరకు దేశ భక్తి, సామాజిక అంశాల కాన్సెప్ట్‌లనే ఎంచుకున్నారు బాలీవుడ్ స్టార్ అక్షయ్ కుమార్. 2015 నుంచి 2019 వరకు ఆయన నటించిన సినిమాలన్నీ బాక్సాఫీస్ వద్ద రూ.100 కోట్లు వసూళ్లు సాధించాయి. ఇప్పుడు మళ్లీ ఆయన కామెడీ జోనర్‌కు వచ్చేశారు. కెరీర్ తొలినాళ్లలో అక్షయ్ కామెడీ జోనర్‌నే ఎంచుకున్నారు. ఆ తర్వాత యాక్షన్, పేట్రియాటిక్ కాన్సె్ప్ట్‌లను ట్రై చేసి సక్సెస్ అయ్యారు. ఇన్నేళ్లలో ఆయనలోని కామెడీ టైమింగ్ ఏమాత్రం తగ్గలేదు. దాదాపు మూడేళ్లుగా ‘హౌస్‌ఫుల్’ ఫ్రాంచైస్ నుంచి వచ్చిన మూడు సినిమాలు బాక్సాఫీస్ వద్ద హిట్టవుతూ వచ్చాయి. అదే ఉత్సాహంతో ఇప్పుడు ‘హౌస్‌ఫుల్ 4’ తీశారు. మొదటి నుంచి ఈ సినిమాలో అక్షయ్ కుమార్, రితేష్ దేశ్‌ముఖ్ ప్రధాన పాత్రల్లో నటిస్తూ వస్తున్నారు. ఈసారి వీరితో పాటు బాబీ డియోల్ కూడా తోడయ్యాడు. ఇంకేముంది ఈ ముగ్గురూ కలిసి ముద్దుగుమ్మలు కృతి సనన్, కృతి కర్బంద, పూజా హెగ్దేలతో కలిసి చేసిన సందడి అంతా ఇంతా కాదు. READ ALSO: ఈరోజు భారీ అంచనాల మధ్య ప్రేక్షకుల ముందుకు వచ్చిన ‘హౌస్‌ఫుల్ 4’ సినిమాకు నెటిజన్స్ 3 స్టార్ రేటింగ్ ఇస్తున్నారు. మిక్స్‌డ్ రివ్యూలు వస్తున్నప్పటికీ బ్లాక్ బస్టర్ అంటున్నవారి సంఖ్యే ఎక్కువగా ఉంది. సినిమాలో అక్షయ్ కుమార్ కామెడీ టైమింగ్ హైలైట్‌గా నిలిచిందని అంటున్నారు. కృతి సనన్, కృతి కర్బంద, పూజా హెగ్దే తమ హాట్‌నెస్ గ్లామర్‌తో సినిమాను మరో స్థాయికి తీసుకెళ్లారని నెటిజన్లు అభిప్రాయపడుతున్నారు. రితేష్ దేశ్‌ముఖ్, బాబీ డియోల్ నటన కూడా ఫర్వాలేదనిపించిందని ట్వీట్లు చేస్తు్న్నారు. ఒక్కమాటలో చెప్పాలంటే ఈ సినిమా బాక్సాఫీస్ వద్ద హౌస్‌ఫుల్ అయ్యేలా ఉందని ఆకాశానికెత్తేస్తున్నారు. ఇంతకీ ఈ సినిమా కథేంటంటే.. పునర్జమ్మ కాన్సెప్ట్‌త్ ఈ సినిమాను తెరకెక్కించారు దర్శకుడు ఫర్హాన్ సంఝీ. ఇందులో అక్షయ్ రాజకుమారుడు బాలా, హ్యారీ పాత్రల్లో నటించారు. 1419కి చెందిన రాజకుమారుడు బాలా.. 600 ఏళ్ల తర్వాత లండన్ నుంచి హ్యారీగా తిరిగి వస్తాడు. రెండో పాత్ర అక్షయ్‌కు జోడీగా నటించిన కృతి సనన్. సినిమాలో ఆమె సీతమ్‌గఢ్‌ రాజకుమారి మధు పాత్రలో లండన్‌కు చెందిన కృతి పాత్రలో కన్పిస్తారు. రాజకుమారి గెటప్‌లో కృతి చాలా అందంగా కనిపించారు. మూడో పాత్ర రితేశ్ దేశ్‌ముఖ్. ఆయన 1419కి చెందిన బంగ్డు అనే నాట్యకారుడి పాత్రతో పాటు రాయ్ అనే పాత్రలోనూ కనిపిస్తారు. ఈయనకు జోడీగా పూజా హెగ్డే నటించారు. ఆమె పాత్ర పేరు రాజకుమారి మాలా. READ ALSO: అయితే 1419లో అక్షయ్.. కృతి సనన్‌ ప్రేమించుకుంటారు. అదే విధంగా రితేష్.. పూజా హెగ్డే, బాబీ డియోల్.. కృతి కర్బంద ప్రేమించుకుంటారు. 600 ఏళ్ల తర్వాత వీరంతా మళ్లీ పుడతారు. అప్పుడు అక్షయ్‌కు గతం గుర్తుకొస్తుంది. మిగతావారెవ్వరికీ రాదు. అయితే 600 ఏళ్ల తర్వాత పూజా అక్షయ్‌ని పెళ్లి చేసుకోవాల్సి వస్తుంది. 1419 ప్రకారం అక్షయ్.. కృతిని ప్రేమిస్తాడు. అంటే కృతి సనన్‌కి సోదరి అయిన పూజ ఆయనకు మరదలు అవుతుంది. అలా కాస్త కన్‌ఫ్యూజన్, అందులో నుంచి పుట్టిన కామెడీతో ‘హౌస్‌ఫుల్ 4’ను తెరకెక్కించారు.

from Telugu Movie News | Movie News in Telugu | Movie Gossips in Telugu https://ift.tt/32JWcIh