తెరపై మహేష్, బన్నీ డైరెక్ట్ వార్..తెర వెనుక ఏం జరిగింది?

మహేష్, ...ఇద్దరి స్థానాల్లో తేడా ఉంది కానీ సరయిన సినిమా పడితే మాత్రం బాక్సాఫీస్‌ని అల్లాడించే విషయంలో మాత్రం ఇద్దరూ కూడా తగ్గరు. అయితే ఈసారి అసలు రిలీజ్ విషయంలో కూడా ఇద్దరూ తగ్గకపోవడంతో సంక్రాంతికి బిగ్‌ఫైట్ రెడీ అయ్యింది. నిజానికి సంక్రాంతి చాలా పెద్ద పండుగ, అందుకే కనీసం రెండు పెద్ద సినిమాలు అకామిడేట్ చేసుకునే అవకాశం ఉంది. గత సంవత్సరం కూడా ఏకంగా మూడు సినిమాలు వచ్చాయి. కాకపోతే ప్రతి సినిమాకి కూడా మినిమమ్ గ్యాప్ ఉండేలా చూసుకున్నారు. చివరికి బాలయ్య 100వ సినిమా గౌతమీ పుత్ర శాతకర్ణి, చిరంజీవి 150వ సినిమా ఖైదీ నెంబర్ 150 రెండూ కూడా ఒకే సంక్రాంతికి వచ్చాయి. కానీ రెండు సినిమాలు ఒక రోజు తేడాతో వచ్చాయి. Also Read: ఈసారి మాత్రం అలా కాదు. సరిలేరు నీకెవ్వరు, అల్లు అర్జున్ అల..వైకుంఠపురములో...రెండు సినిమాలు కూడా ఒకే రోజు, ఒకేసారి రిలీజ్ అవుతున్నాయి. ఈ రెండు సినిమాలు ముందు నుండు కూడా సంక్రాంతి టార్గెట్‌గా రెడీ అవుతున్నాయి అని సినిమా లవర్స్ అందరికి కూడా తెలుసు. కానీ ఈ రెండు యూనిట్స్ మాత్రం డేట్ ఇచ్చేవరకు కూడా అసలు ఆ సంగతి తెలియనట్టే కవర్ చేసాయి. ముందు అల్లు అర్జున్ సినిమా అల.. వైకుంఠపురములో జనవరి 12న రిలీజ్ అని రిలీజ్ పోస్టర్ వేశారు. అంతే కొన్ని గంటల వ్యవధిలో మహేష్ సినిమా సరిలేరు నీకెవ్వరు కూడా జనవరి 12 రిలీజ్ అని డేట్ ఇచ్చారు. పండగ సీజన్, ఆదివారం, ఒక రోజు ఇద్దరు పెద్ద హీరోల సినిమాలు రిలీజ్...అప్పుడు పరిస్థితి ఎలా ఉంటుంది?. వినడానికి బాగానే ఉంటుంది. కానీ దానివల్ల ఇండస్ట్రీకి మాత్రం భారీ నష్టం తప్పదు అనేది నిజం. పెద్ద హీరోల సినిమాలకు కీలకమయిన ఓపెనింగ్స్ విషయంలో గట్టి ఎఫెక్ట్ పడుతుంది. అసలు ఈ సిట్యుయేషన్ ఎందుకు వచ్చింది?. Also Read: ఇప్పటివరకు మనకు కనిపించే దాన్నిబట్టి చూస్తే ఈ విషయంలో మాత్రం సరిలేరు నీకెవ్వరు సినిమా టీమ్ కాస్త లేట్ అయ్యిందా?, లేక ఒకే డేట్ ఇచ్చి కాస్త తొందరపడిందా అని అనిపిస్తుంది. అయితే సరిలేరు నీకెవ్వరు నిర్మాత దిల్ రాజు, అల..వైకుంఠపురమంలో నిర్మాత అల్లు అరవింద్‌కి చాలా మంచి సంబంధాలు ఉన్నాయి. ఒక్క ఫోన్‌తో ప్రాబ్లెమ్ సాల్వ్. కానీ మ్యాటర్ ఇక్కడిదాకా రావడానికి కారణం మాత్రం వేరు అని మాట్లాడుకుంటున్నారు. ఇది ఇద్దరు హీరోల పంతం వల్ల వచ్చిన సమస్య అంటున్నారు. నిజానికి మహేష్, బన్నీలకు ముందు నుండి క్లాష్ లేదు. సుకుమార్ కథ నచ్చక ఆ సినిమా రిజెక్ట్ చేసాడు మహేష్. కానీ వెంటనే బన్నీతో అదే కథతో, అదే బ్యానర్‌లో సినిమా చేస్తున్నట్టు అనౌన్స్మెంట్ ఇచ్చేసాడు సుకుమార్. అంటే మహేష్ ఒక్కడే హీరో కాదు అన్నట్టు అర్ధం వచ్చేలా సుకుమార్ ప్రవర్తించాడు అని అప్పట్లో గట్టిగా కామెంట్స్ వినిపించాయి. Also Read: అప్పుడు సుకుమార్ తీరుతో విపరీతంగా హర్ట్ అయ్యాడు మహేష్. కానీ ఆ తరువాత సుక్కు మహేష్‌ని కలిసి కాంప్రమైజ్ అయ్యాడు అంటూ వార్తలు వచ్చాయి. కానీ అవన్నీ అబద్దం అని, మహేష్ టైమ్ కోసం చూసి ఇప్పుడు ఇలా రియాక్ట్ అయ్యాడు అని ఫిల్మ్ నగర్ జనాల మాటలను బట్టి తెలుస్తుంది. పైగా సంక్రాంతి నెగెటివ్ సెంటిమెంట్ కూడా ఉన్న మహేష్ ముందే బన్నీ టీమ్‌ని కాస్త ముందు రమ్మని అడిగాడు అని అంటున్నారు. కానీ వాళ్ళు కూడా తగ్గలేదు. దాంతో ఇలా ఈ ఎపిక్ క్లాష్. ముందే డేట్ ఇచ్చిన బన్నీకి మరొక ఆప్షన్ లేకుండా పోయింది. పైగా ఇప్పుడు ప్రెజర్ అంతా కూడా బన్నీ సినిమా మీదే ఉంది. బన్నీ గత సినిమా డిజాస్టర్, మహేష్ బాబు గత సినిమా కెరీర్ బెస్ట్ హిట్. పైగా ఇప్పుడు సరిలేరు నీకెవ్వరు అవుట్ ఫుట్ కూడా అదిరిపోతుంది అని తెలుస్తుంది. దాంతో అల..వైకుంఠపురములో సినిమాతో బన్నీ బ్లాక్ బస్టర్ హిట్ కొట్టడం మాత్రమే కాదు, మహేష్ సినిమా నుండి వచ్చే పోటీ కూడా తట్టుకోవాల్సిన పరిస్థితి వచ్చింది. ఏం జరుగుతుంది?, ఏ సినిమా ఫేట్ ఎలా ఉండబోతుంది?, ఎవరయినా కలిగించుకుని ఈ పోటీని ఆపుతారా లాంటి విషయాలపై క్లారిటీ రావాలంటే మాత్రం మరికొన్ని రోజులు ఆగాలి.

from Telugu Movie News | Movie News in Telugu | Movie Gossips in Telugu https://ift.tt/2Baivuv