బాలీవుడ్ బ్యూటీ సన్నీలియోనీ ఒకప్పుడు పోర్న్ స్టార్గా పనిచేసి ఉండొచ్చు. ఇప్పుడు ఆమె బాలీవుడ్లో టాప్ హీరోయిన్. ఇప్పుడు కూడా ఆమె శృంగారభరితమైన పాత్రల్లోనే నటిస్తున్నప్పటికీ ప్రేక్షకులు ఆమెను ఆదరిస్తున్నారు. సన్నీలాంటి అమ్మాయికి అసలు పెళ్లవుతుందా? ఒకవేళ అయినా కూడా తన భర్తతో జీవితాంతం కలిసి ఉంటుందా? అని చాలా మంది సందేహపడ్డారు. కానీ తానూ ఓ ఆడపిల్లనేనని తనకీ ఓ మనసు ఉంటుందని నిరూపించారు. తన సహ నటుడైన డేనియల్ వెబర్ను వివాహం చేసుకున్నారు. అయితే వీరిద్దరూ మాత్రం పిల్లల్ని కనాలనుకోలేదు. మూడేళ్ల క్రితం మహారాష్ట్రలోని లాతూరు ప్రాంతానికి చెందిన ఓ అనాథాశ్రమం నుంచి ఓ ఆడపిల్లల్ని దత్తత తీసుకున్నారు. పాపకు నిషా కౌర్ వెబర్ అని నామకరణం చేశారు. ఆ తర్వాత సరోగసీ పద్ధతి ద్వారా ఇద్దరు మగపిల్లలకు జన్మనిచ్చారు. ఇఫ్పుడు సన్నీ జీవితం పరిపూర్ణం అయింది. సన్నీ నిషాను దత్తత తీసుకున్నప్పుడు ఓ పోర్న్ స్టార్కు ఆడపిల్లలను ఎలా దత్తత ఇచ్చారు అని చాలా మంది నెటిజన్లు ఆమెను ఆడిపోసుకున్నారు. కానీ సన్నీ అలాంటివారి మాటలు అస్సలు పట్టించుకోలేదు. ఓ పక్క సినిమాలతో బిజీగా ఉంటూ మరోపక్క భార్యగా, తల్లిగా తన బాధ్యతలు నిర్వర్తిస్తున్నారు. సోమవారం నిషా నాలుగో పుట్టినరోజు. ఈ సందర్భంగా సన్నీ పాప కోసం గ్రాండ్గా బర్త్డే సెలబ్రేషన్స్ నిర్వహించారు. పాప కోసం బార్బీ బొమ్మతో డిజైన్ చేసిన కేక్ తెప్పించారు. ‘నా లిటిల్ ఏంజెల్ నిషా కౌర్కి హ్యాపీ బర్త్డే. నువ్వు మా జీవితంలో వెలుగు నింపావు. నువ్వు మాకు దేవుడు ఇచ్చిన బిడ్డవు. హ్యాపీ బర్త్డే బేబీ గర్ల్’ అని పేర్కొంటూ అందమైన ఫ్యామిలీ ఫొటోను అభిమానులతో పంచుకున్నారు. ఫ్యాన్స్ సన్నీ ఫ్యామిలీ ఫొటో చూసి ఫిదా అవుతున్నారు. ‘క్యూట్ ఫ్యామిలీ’ అంటూ కామెంట్లు పెడుతున్నారు. సన్నీ వ్యక్తిగత జీవితం మాత్రమే కాదు ప్రొఫెషనల్ కెరీర్ కూడా బాగా సాగిపోతోంది. ఇప్పుడు ఆమె వరుస సినిమాలతో బిజీగా ఉన్నారు. ప్రముఖ నటుడు నవదీప్తో కలిసి ‘రాగిని ఎంఎంఎస్ రిటర్న్స్’ అనే వెబ్ సిరీస్లో నటిస్తున్నారు. తమిళంలో ‘వీరమహాదేవి’ అనే హిస్టారికల్ సినిమాలో ప్రధాన పాత్ర పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2OY7VPJ
No comments:
Post a Comment