రేపు నా బర్త్‌డే, కానీ సెలబ్రేట్ చేసుకోను: అమితాబ్ బచ్చన్

బాలీవుడ్ మెగాస్టార్ అమితాబ్ బచ్చన్‌కు తన బర్త్‌డేను సెలబ్రేట్ చేసుకోవాలని అస్సలు లేదట. రేపు అమితాబ్ బర్త్‌డే. ఆయనకు 77 ఏళ్లు రాబోతున్నాయి. బర్త్‌డే ప్లాన్స్ ఏంటి అని స్థానిక మీడియా వర్గాలు ప్రశ్నించగా అసలు తనకు సెలబ్రేట్ చేసుకోవాలని లేదని తెలిపారు. ‘ఏముందని సెలబ్రేట్ చేసుకోవడానికి. రోజూలాగే ఈరోజు (అక్టోబర్ 11) కూడా. ఈ వయసులోనూ నాకు పని దొరుకుతున్నందుకు సంతోషంగా ఉంది. నా శరీరం అనుకూలిస్తోంది. నా ఆరోగ్యం బాగుండాలని నా అభిమానులు ఆ దేవుడ్ని ప్రార్థించాల్సిందిగా కోరుతున్నాను. చిన్నప్పుడు నా ప్రతి పుట్టినరోజున నా తండ్రి హరివంశ్‌రాయ్ బచ్చన్ నాకు పద్యం వినిపించేవారు. అది మా ఫ్యామిలీలో సంప్రదాయంగా వస్తోంది. కానీ కూలీ సినిమా షూటింగ్ సమయంలో నాకు పెద్ద ప్రమాదం జరిగినప్పుడు నేను కోలుకోవాలని నా తండ్రి పద్యం చెప్పారు. ఆ సమయంలో ఆయన కన్నీరుపెట్టేసుకున్నారు. నా తండ్రి ఏడవటం అదే మొదటిసారి. నా బర్త్‌డే విషయంలో నేను మిస్సవుతోందేంటంటే.. నా తండ్రి పద్యాలు వినలేకపోతున్నాను. మా అమ్మ ఎంతో ఎగ్జైటింగ్‌గా ఫీలయ్యేవారు. నాకు బర్త్‌డే రోజుల్లో కేక్ కట్ చేయడం నచ్చదు. వాటిపై ఆసక్తి పోయింది. ఇప్పుడు కేవలం ఓ ప్లేట్‌లో డ్రై ఫ్రూట్స్ పెట్టి అందరికీ పంచుతూ ఉంటాను’ అని తెలిపారు. తీరని కలలు ఏమైనా ఉన్నాయా అని అడగ్గా.. ‘ఎందుకు లేవూ. చాలా ఉన్నాయి. నాకు పియానో వాయించాలని ఉంది. చాలా భాషలు నేర్చుకోవాలని ఉంది. గురు దత్‌తో కలిసి నటించాలని ఉండేది’ అన్నారు. ఆయన నటించిన సినిమాల్లో ఏ సినిమాను రీమేక్ చేయాలనుకుంటున్నారు అన్న ప్రశ్నకు.. ‘ఏవీ లేవు. నేను నటించని సినిమాలకు ఏం కావాలో అన్నీ ఇచ్చేశా. ఇప్పుడు కొత్తగా ఆలోచించొచ్చు కదా’ అని వెల్లడించారు అమితాబ్. అనారోగ్యం అంతగా బాలేనప్పటికీ ఉన్నప్పటికీ అమితాబ్ విరామం లేకుండా సినిమాలు చేస్తూనే ఉన్నారు. ఇటీవల విడుదలై బ్లాక్ బస్టర్ విజయం అందుకున్న ‘సైరా నరసింహారెడ్డి’ సినిమాలో అమితాబ్ గోసాయి అనే కీలక పాత్రను పోషించారు. ప్రస్తుతం ఆయన చేతినిండా సినిమాలు ఉన్నాయి. తమిళంలో ‘ఉయర్నద మణిదాన్’ అనే చిత్రంలో నటిస్తున్నారు. తమిళంలో అమితాబ్ నటిస్తున్న మొదటి సినిమా ఇది. దీంతో పాటు ‘ఏబీ అనీ సీడీ’, ‘బ్రహ్మాస్త్ర’, ‘చెహరే’, ‘గులాబో సితాబో’ చిత్రాల్లో నటిస్తున్నారు. రేపు అమితాబ్ బర్త్‌డే సందర్భంగా ఫ్యాన్స్ సంబరాలు మొదలుపెట్టే పనిలో ఉన్నారు. ముంబయి మొత్తం దాదాపు ఆయన ఫ్లెక్సీలతోనే నిండిపోతుంది. జుహులోని ఆయన నివాసం వద్ద అభిమానులు పెద్ద సంఖ్యలో బారులు తీరతారు. వారందరినీ పలకరించేందుకు అమితాబ్ ఇంటి ఆవరణలో ఏర్పాటుచేసిన స్టేజ్‌పై నిలబడి ఫ్యాన్స్‌తో మాట్లాడతారు.

from Telugu Movie News | Movie News in Telugu | Movie Gossips in Telugu https://ift.tt/2IC2yBG