బాలీవుడ్ మెగాస్టార్ అమితాబ్ బచ్చన్కు ప్రపంచవ్యాప్తంగా ఎందరో అభిమానులు ఉన్నారు. శుక్రవారం ఆయన తన 77వ బర్త్డే. ఆయన ఎటూ సెలబ్రేషన్స్ చేసుకోనని చెప్పారు. ఈ నేపథ్యంలో ఆయన బర్త్డేను ఓ పండుగా జరుపుకున్నారు అభిమానులు. రాజస్థాన్లోని ఉదయ్పూర్ ప్రాంతానికి చెందిన అభిమానులు ఏకంగా 77 అడుగుల కేక్ కట్ చేసి తమ అభిమానాన్ని చాటుకున్నారు. ఈ కార్యక్రమాన్ని ఉదయ్పూర్ ఫిలింసిటీ సంఘర్ష్ సమితి ఛైర్మెన్ ముఖేష్ మధ్వానీ నిర్వహించారు. ముఖేష్ అమితాబ్కు వీరాభిమాని. ఏటా బిగ్ బి బర్త్డే సందర్భంగా ముఖేష్ స్థానిక అశోకా బేకరీ వద్దకు వేలాది మంది అభిమానులను ఆహ్వానిస్తున్నాడు. అక్కడే కేక్ కటింగ్ కార్యక్రమాన్ని నిర్వహిస్తున్నాడు. ఈసారి బిగ్ బికి దాదా సాహెబ్ ఫాల్కే అవార్డు వరించింది కాబట్టి స్పెషల్గా కేక్ డిజైన్ చేయించాలనుకున్నాడు. ‘ఎన్నో ఏళ్లుగా బిగ్ బి బర్త్డేను ఇలాగే సెలబ్రేట్ చేస్తున్నాం. ఆయన వయసు పెరిగే కొద్ది మేం డిజైన్ చేసే కేక్ సైజ్ కూడా పెరుగుతూ ఉంటుంది. ఈ ఏడాది ఆయనకు 77 ఏళ్లు వచ్చాయి కాబట్టి 77 అడుగుల కేక్ డిజైన్ చేయించాం. ఆ కేక్పై అమితాబ్కు సంబంధించిన అన్ని ఫొటోలను డిజైన్ చేయించాం. అంతేకాదు అభిమానుల్ని అమితాబ్ గెటప్లో రెడీ అయ్యి రావాలని చెప్పాం. ఆయన నిండు నూరేళ్లు సుఖ సంతోషాలతో వర్ధిల్లాలని కోరుతూ ఈ కేక్ కటింగ్ కార్యక్రమాన్ని జరుపుతుంటాం’ అని ముఖేష్ వెల్లడించారు. తనకు బర్త్డేలు సెలబ్రేట్ చేసుకోవడం అస్సలు నచ్చదని బిగ్ బి తెలిపారు. ప్రతి రోజూలాగే బర్త్డే కూడా ఓ మామూలు రోజే కదా అని అన్నారు. కేక్ కటింగ్ సంప్రదాయానికి ఎప్పుడో గుడ్బై చెప్పేశానని తెలిపారు. తన బర్త్డే రోజున అందరికీ డ్రై ఫ్రూట్స్ పంచిపెడుతున్నానని పేర్కొన్నారు. కానీ ప్రపంచవ్యాప్తంగా ఉన్న బిగ్ బి అభిమానులు మాత్రం ఆయన కోసం కేక్ కటింగ్ కార్యక్రమాలను నిర్వహించారు. ప్రస్తుతం అమితాబ్ చాలా సినిమాలతో బిజీగా ఉన్నారు. హిందీలో ‘బ్రహ్మాస్త్ర’, ‘గులాబో సితాబో’, ‘ఏబీ ఆనీ సీడీ’ సినిమాలతో పాటు ఓ తమిళ చిత్రంలోనూ నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2oDKVur
No comments:
Post a Comment