మెగాస్టార్ బర్త్ డే (ఆగస్ట్ 22) సందర్బంగా అప్డేట్లతో సోషల్ మీడియా మొత్తం మోతమోగిపోద్దన్న సంగతి ఎప్పటి నుంచో తెలిసిందే. దాదాపు మూడు నాలుగు సినిమాల అప్డేట్లు ఒకే రోజు వస్తాయని గాసిప్పులు వస్తూనే ఉన్నాయి. తన సినిమాల దర్శకులు, నిర్మాతలకు చిరంజీవి ముందే సంకేతాలు ఇచ్చినట్టుగా.. దానికి తగ్గట్టే అందరూ కూడా అప్డేట్లను ప్లాన్ చేసినట్టు తెలుస్తోంది. తాజాగా వేదాళం రీమేక్కు సంబంధించిన అప్డేట్ వచ్చింది. రేపు ఉదయం తొమ్మిది గంటలకు మెగా ప్రభంజనం చూస్తారని నిర్మాణ సంస్థ ఏకే ఎంటర్టైన్మెంట్స్ ప్రకటించింది. సినిమా ప్రకటించే ఏడాదికి పైనే అవుతుంది. ఈ మూవీ కోసమే అన్నట్టుగా ఆ మధ్య చిరంజీవి కొత్త లుక్కును ట్రై చేశారు. అర్బన్ మాంక్ అన్నట్టుగా గుండు బాస్గా మారిపోయారు. ఆ లుక్కును చూసి అంతా ఒక్కసారిగా షాక్ అయ్యారు. అయితే వేదాళం సినిమాలో అజిత్ పోషించిన పవర్ ఫుల్ పాత్రను చిరు చేసేందుకు ఆసక్తి చూపారు. ఈ మూవీకి సంబంధించిన కాస్ట్ అండ్ క్రూను ఇప్పటికే ఫైనల్ చేసినట్టు తెలుస్తోంది. ఇక ఇందులో చిరు చెల్లెలి పాత్ర కోసం ఎంతో పేర్లు పరిశీలించారు. సాయి పల్లవిని తీసుకుందామని ప్రయత్నించారు. ఇక ఇందులో ఓ పాత్రకు బిగ్ బాస్ ఫేమ్ దివిని చిరు రికమండ్ చేసిన సంగతి తెలిసిందే. అయితే ఈ మూవీకి సంబంధించి రేపు అదిరిపోయే అప్డేట్ రాబోతోందని చిత్రయూనిట్ తాజాగా ప్రకటించింది. దీంతో ఆ అప్డేట్ ఏంటా? అని మెగా అభిమానులు ఆత్రుతగా ఎదురుచూస్తున్నారు. సినిమా టైటిల్ ప్రకటిస్తారా? లేదా హీరోయిన్, ఇతర పాత్రలను రివీల్ చేస్తారా? లేదా చిరంజీవి లుక్కును బయటకు వదులుతారా? అని ఇలా రకరకాలుగా ఊహించుకుంటున్నారు.
from Telugu Movie News | Movie News in Telugu | Movie Gossips in Telugu https://ift.tt/2WcsUUO
No comments:
Post a Comment