ప్రస్తుతం సినీ ఇండస్ట్రీలో చోటు చేసుకుంటున్న పరిణామాలు జనాల్లో పలు చర్చలకు తావిస్తున్నాయి. ఓ వైపు డ్రగ్స్ కేసులు, మరోవైపు మనీ లాండరింగ్ కేసులు సినీ వర్గాల్లో ప్రకంపనలు సృష్టిస్తున్నాయి. బాలీవుడ్‌లో గ్లామర్ క్వీన్‌గా రాణిస్తున్న మనీ లాండరింగ్ కేసులో విచారణ ఎదుర్కొంటోంది. హవాలా రాకెట్‌లో కోట్లు చేతులు మారడంలో ఆమెను ప్రత్యక్ష సాక్షిగా తీసుకొని ఈడీ అధికారులు విచారణ చేపట్టారు. అనే హవాలా దందాను నిర్వహించే వ్యక్తి అనుమానాస్పద వ్యవహారాలపై దృష్టి సారించిన ఈడీ ఆఫీసర్స్ లోతుగా విచారిస్తున్నారు. ఇటీవల సుకేశ్ ఇంటిపై మెరుపు దాడులు నిర్వహించడంతో అనేక విషయాలు వెలుగులోకి వచ్చాయి. అయితే ఈ కేసుతో లింక్ అయి ఉన్న పారిశ్రామిక వేత్తతో జాక్వలైన్ ఫెర్నాండేజ్‌కు దగ్గరి సంబంధాలు ఉండటంతో సోమవారం ఆమెను కూడా విచారించారు. దాదాపు 5 గంటలకు పైగా ఈ విచారణ కొనసాగినట్లు తెలుస్తోంది. అయితే ఆమెపై ఎలాంటి ప్రశ్నలు సంధించారు? ఏయే విషయాలపై ఫోకస్ పెట్టారనేదానిపై పూర్తి వివరాలు తెలియాల్సి ఉంది. చెన్నైకి చెందిన ఓ పారిశ్రామికవేత్త నుంచి 200 కోట్ల మేర హవాలా కార్యక్రమాలు నిర్వహించారనే ఆరోపణలు రావడంతో ఇటీవల చెన్నై సముద్ర తీరంలో ఉన్న సుకేశ్ చంద్రశేఖరన్‌ ఇంటిపై దాడులు నిర్వహించారు. ఆ సమయంలో రూ.82.5 లక్షల నగదు, రెండు కిలోల బంగారం, డజనుకు పైగా లగ్జరీ కార్లు సీజ్ చేశారు. సుకేష్ చంద్రశేఖర్‌తో లావాదేవీలు జరిగినట్టు అనుమానిస్తూ పలు కోణాల్లో జాక్వలైన్‌ను విచారిస్తున్నట్లు సమాచారం. జాక్వలైన్‌కు పలువురు బాలీవుడ్ ప్రముఖులతో సన్నిహిత సంబంధాలున్న కారణంగా ఈ కేసు బీ టౌన్‌లో హాట్ టాపిక్ అయింది. ఈడీ విచారణలో ఇంకా కొందరు సినీ ప్రముఖుల పేర్లు బయటకు వచ్చే ఛాన్స్ ఉందని తెలుస్తోంది. ప్రస్తుతం అక్షయ్ కుమార్‌తో కలిసి రామ్ సేతు, బచ్చన్ పాండే సినిమాలు చేస్తోంది జాక్వలైన్.
from Telugu Movie News | Movie News in Telugu | Movie Gossips in Telugu https://ift.tt/3ywPxR1
No comments:
Post a Comment