నమ్రత శిరోద్కర్ న్యూ లుక్ వైరల్.. ఒకే ఒక్క మాటతో మహేష్ బాబు కామెంట్

సూపర్ స్టార్ సతీమణి సోషల్ మీడియాలో ఎంత యాక్టివ్ అనేది మనందరికీ తెలుసు. ఎప్పటికప్పుడు మహేష్ మూవీ ముచ్చట్లతో పాటు ఫ్యామిలీ ఫొటోస్ షేర్ చేస్తూ అభిమానులను ఖుషీ చేస్తుంటారు. ఈ నేపథ్యంలోనే తాజాగా తన లేటెస్ట్ లుక్ షేర్ చేసి షాకిచ్చింది నమ్రత. ఇందులో నమ్రత మునుపెప్పుడూ లేనివిధంగా డిఫరెంట్ లుక్‌లో కనిపించడంతో ఈ ఫోటో నెట్టింట వైరల్ అవుతోంది. ప్రముఖ సెలబ్రిటీ ఫోటోగ్రాఫర్ అవినాష్ గోవారికర్, ఇటీవల గోవాలో జరిగిన 'సర్కారు వారి పాట' షెడ్యూల్‌లో కూడా నమ్రత శిరోద్కర్‌ని ప్రత్యేకంగా కొన్ని ఫొటోస్ తీశారు. ఆ ఫోటోలను తన సోషల్ మీడియా ఖాతాలో షేర్ చేస్తూ.. ''చిన్నూ అక్క మీరంటే నాకు ఎంతో అభిమానం ఇష్టం, మీరు ఎల్లప్పుడూ బాగుండాలి, ఈ పిక్స్ నేను ఇప్పటివరకు తీసిన అద్భుతమైన పిక్స్‌లో ఇవి కొన్ని'' అంటూ ట్వీట్ చేశారు. మరోవైపు నమ్రత కూడా ఈ ఫొటోని తన ఇన్స్‌స్టా పేజీలో షేర్ చేస్తూ ఈ ఫోటోషూట్‌లో పాల్గొనడం పట్ల ఆనందం వ్యక్తం చేసింది. ''ఆ రోజు ఏదో సరదాగా మహేష్ జాకెట్ తీసుకుని మేకప్ లేకుండా దిగిన ఈ ఫోటోలను ఇంత బాగా మీరు క్యాప్చర్ చేస్తారని ఊహించలేదు బ్రదర్'' అని ఆమె పేర్కొంది. ఈ ఫొటోస్ చూసిన మహేష్ బాబు 'పర్ఫెక్ట్ పిక్' అంటూ స్వీట్ కామెంట్ చేయడం విశేషం. ప్రస్తుతం సామాజిక మాధ్యమాల్లో నమ్రత లేటెస్ట్ లుక్ తెగ చక్కర్లు కొడుతోంది.

from Telugu Movie News | Movie News in Telugu | Movie Gossips in Telugu https://ift.tt/3zJPMK1