నేటితరం హీరోయిన్స్, హీరోలతో సమానమైన క్రేజ్ కొట్టేస్తున్నారు. కెమెరా ముందు అందచందాల ఆరబోతతో పాటు నటనా ప్రతిభను బయటపెట్టి భారీ పాపులారిటీ దక్కించుకుంటున్నారు. మరోవైపు సోషల్ మీడియాలో కూడా అందాల హంగామా చేస్తూ ఫాలోయింగ్ పెంచుకుంటున్నారు. ఇక ఇంత పాపులారిటీ దక్కాక రెమ్మ్యూనరేషన్ విషయంలో కూడా డిమాండ్ చేసి మరీ సినిమాల్లో నటిస్తున్నారు. ఇప్పుడు ఆ లిస్టులో చేరిపోయింది బాలీవుడ్ బ్యూటీ . రామ్ చరణ్‌తో నటించేందుకు గాను ఆమె ఏకంగా 5 కోట్ల రూపాయలు అడిగేసిందట. మెగా పవర్ స్టార్ రామ్ చరణ్‌తో బడా డైరెక్టర్ శంకర్ ఓ సినిమా చేయబోతున్న సంగతి తెలిసిందే. దిల్ రాజు నిర్మాణంలో శ్రీ వెంకటేశ్వర క్రియేషన్స్ సంస్థ 50వ చిత్రంగా ఈ సినిమా రిలీజ్ కానున్న నేపథ్యంలో సినిమా కోసం భారీ ఏర్పాట్లు చేస్తున్నారట. వచ్చే నెలలో ఈ సినిమా షూటింగును ప్రారంభించడానికి సన్నాహాలు చేస్తున్నారు. ఈ నేపథ్యంలో చిత్రంలో హీరోయిన్‌గా నటించబోతున్న కియారా అద్వానీ రెమ్మ్యూనరేషన్ గురించిన వార్తలు వైరల్ అవుతున్నాయి. గతంలో తెలుగులో మహేష్ బాబుతో ఓ సినిమా, రామ్ చరణ్‌తో మరో సినిమా చేసిన కియారా.. ఈ రెండు సినిమాలకు గాను ఒక్కోదానికి కోటి రూపాయల చొప్పున పారితోషికం తీసుకుంది. ఆ తర్వాత బాలీవుడ్ సినిమాల్లో బిజీ అయి కబీర్ సింగ్ మూవీతో బిగ్ హిట్ అందుకుంది. దీంతో బాలీవుడ్ సినిమాల్లో ఏకంగా 4 కోట్ల రెమ్మ్యూనరేషన్ తీసుకుంటోందట. అయితే శంకర్- రామ్ చరణ్ సినిమా కోసం మాత్రం మరో కోటి రూపాయలు అదనంగా అంటే 5 కోట్లు డిమాండ్ చేసిందని సమాచారం. అయినప్పటికీ వెనక్కితగ్గని దిల్ రాజు దీనికి ఓకే చెప్పారని తెలుస్తోంది. రామ్ చరణ్ 15వ సినిమాగా శంకర్ ప్రాజెక్టు రూపొందనుంది. భారీ బడ్జెట్‌ కేటాయించి, భారీ తారాగణంతో విజువల్ వండర్‌గా ఉండేలా ఈ సినిమాను ప్లాన్ చేస్తున్నారట దిల్ రాజు. ప్రేక్షకులకు వినూత్న అనుభూతినిచ్చేలా 3D ఫార్మాట్‌లో రూపొందించాలని ఆయన భావిస్తున్నారట. తెలుగుతో పాటు తమిళ, మలయాళ, కన్నడ, హిందీ భాషల్లో ఈ సినిమాను విడుదల చేయనున్నారు. చిత్రానికి థమన్ బాణీలు కట్టబోతున్నారు.
from Telugu Movie News | Movie News in Telugu | Movie Gossips in Telugu https://ift.tt/3AebbKR
No comments:
Post a Comment