మూడు సంవత్సరాల సుదీర్ఘ విరామం తర్వాత పవర్‌స్టార్ పవనకళ్యాణ్ లేటెస్ట్‌గా వెండితెరపై రీఎంట్రీ ఇచ్చిన విషయం తెలిసిందే. వేణు శ్రీరామ్ దర్శకత్వంలో హిందీలో బ్లాక్‌బస్టర్‌ హిట్‌ సాధించిన.. ‘పింక్’ సినిమా రీమేక్‌గా రూపొందిన వకీల్‌సాబ్‌ సినిమాతో ఆయన మళ్లీ వెండితెరపై కనిపించారు. ఈ సినిమాలో పవన్‌ ఓ పవర్‌ఫుల్ లాయర్ పాత్రలో కనిపించి ప్రేక్షకులను అలరించడమే కాక.. బాక్సాఫీస్ వద్ద మరోసారి తన స్టామినాని నిరూపించుకున్నారు. అయితే ఈ సినిమా హిట్‌ తర్వాత ఆయన వరుస ప్రాజెక్టులు చేస్తున్నారు. అందులో మలయాళంలో సూపర్‌హిట్ సాధించిన ‘అయ్యప్పనుమ్ కోశియమ్’ సినిమా రీమేక్ ఒకటి. ఈ సినిమాలో ‘’ అనే పవర్‌ఫుల్ పోలీస్‌ ఆఫీసర్ పాత్రలో నటిస్తున్నారు. తాజాగా స్వాతంత్ర్య దినోత్సవం సందర్భంగా ఈ సినిమాకు సంబంధించి టీజర్ విడుదల చేశారు. సినిమా టైటిల్‌ని కూడా ‘భీమ్లా నాయక్’ అంటూ పేర్కొన్నారు. దీంతో ఈ సినిమాలో మరో ప్రధాన పాత్రలో నటిస్తున్న అభిమానులు నిరాశకి గురయ్యారు. ఇద్దరు హీరోలు నటిస్తున్నప్పుడు ఒక హీరోకే ప్రాధాన్యత ఇస్తూ.. సినిమా టైటిల్‌ని ఫిక్స్ చేయడం సరికాదని వాళ్లు మండిపడ్డారు. ఈ మేరకు దగ్గుబాటి ఫ్యాన్స్ ట్విట్టర్‌లో ట్వీట్లతో హోరెత్తించారు. అయితే దీనిపై చిత్ర యూనిట్ స్పందించినట్లు తెలుస్తోంది. రానాని కూడా హైలైట్ చేస్తూ త్వరలోనే ఓ టీజర్‌ని విడుదల చేయాలనే యోచనలో చిత్ర యూనిట్ ఉన్నట్లు తెలుస్తోంది. అయితే దీనిపై ఇప్పటికైతే అధికారంగా ఎలాంటి సమాచారం లేదు. ఇక సాగర్ కే చంద్ర దర్శకత్వం వహించిన ఈ సినిమాకు త్రివిక్రమ్ శ్రీనివాస్ స్క్రీన్‌ ప్లే అందించారు. థమన్ ఈ సినిమాకు సంగీతం సమకూర్చారు.
from Telugu Movie News | Movie News in Telugu | Movie Gossips in Telugu https://ift.tt/3xYejcd
No comments:
Post a Comment