మోహన్ బాబు కుటుంబంలో వార్.. వేరు వేరు కాపురాలు! అసలు గుట్టువిప్పిన మంచు విష్ణు

సీనియర్ హీరో, లెజెండరీ నటుడు వారసులు వేరువేరుగా ఉంటున్నారని, వారి మధ్య విభేదాలు తలెత్తాయని గత కొన్ని రోజులుగా కొన్ని వార్తలు షికారు చేస్తున్న సంగతి తెలిసిందే. దీంతో మంచు సోదరుల పర్సనల్ వ్యవహారాలపై పెద్ద ఎత్తున చర్చలు నడుస్తున్నాయి. ఈ నేపథ్యంలో తాజాగా 'ఆలీతో సరదాగా' టీవీ షోలో పాల్గొన్న దీనిపై రియాక్ట్ అయ్యారు. మనోజ్‌తో విభేదాల గురించి మొదటిసారి ఓపెన్ అయ్యారు. సెలబ్రిటీలను సరదాగా ఇంటర్వ్యూ చేస్తూ వారి వారి పర్సనల్ విషయాలు కూడా రాబట్టే ఆలీ.. తాజా ప్రోగ్రాంలో మంచు విష్ణుకు సీరియస్ ప్రశ్న వేశారు. నీకు, నీ తమ్ముడు మనోజ్‌కి పడడం లేదని.. మీ ఇద్దరూ విడివిడిగా ఉంటున్నారని ఓ చోట విన్నా. నిజమేనా? అది నువ్వే చెప్పాలని ఆలీ అడిగారు. దీంతో వేసుకున్న కోటు విప్పేస్తూ సీరియస్ అయ్యారు మంచు విష్ణు. పర్సనల్ విషయాలు వాళ్లకెందుకు? ఎందుకు చెప్పాలి వాళ్లకు సమాధానం అంటూ కోపంగా సీటులోంచి లేచి నిలబడ్డారు. ఆ తర్వాత వెంటనే కూల్ అయి అసలు మ్యాటర్ రివీల్ చేశారు. ఇలా ఏవేవో రూమర్స్ పుట్టించే వాళ్లందరికీ సమాధానం చెప్పడమంటే సమయం వృధా చేసుకోవడమే అంటూనే ఓపెన్ అయ్యారు విష్ణు. తాము చాలా సంప్రదాయ పద్ధతిలో పెరిగామని, అయితే ఎవరి వ్యక్తిగత జీవితం వాళ్లకు ఉంటుందని అన్నారు. తనకైతే ఉమ్మడి కుటుంబం అంటే చాలా ఇష్టం కాబట్టి నాన్నగారితో కలిసి ఉంటున్నానని, అక్క సపరేట్ ఇంట్లో, తమ్ముడు కూడా సపరేట్ ఇంట్లో ఉంటున్నాడని చెప్పారు. వాళ్ళు ప్రైవసీగా ఉండడం వాళ్ల వ్యక్తిగత ఇష్టం.. అంతమాత్రాన మాట్లాడటం లేదు, విభేదాలు ఉన్నాయని చెప్పడం కరెక్ట్ కాదని మంచు విష్ణు అన్నారు.

from Telugu Movie News | Movie News in Telugu | Movie Gossips in Telugu https://ift.tt/38bKbji