ప్రభాస్- ఈ ఇద్దరూ కలిశారంటే ఆ సంచలనాలే వేరు. ‘బాహుబలి’ సిరీస్‌తో తెలుగోడి సత్తా ఏంటో ప్రపంచానికి తెలిపిన ఘనత ఈ ఇద్దరిదే అనడంలో అతిశయోక్తి లేదు. గత రికార్డులను తిరగరాస్తూ భవిష్యత్ రికార్డులకు సవాల్ విసిరింది బాహుబలి సిరీస్. చరిత్రలో నిలిచిపోయే సినిమాగా రూపొందించడానికై ఈ మూవీ కోసం ఏళ్లకు ఏళ్ళు కష్టపడ్డారు హీరో ప్రభాస్, డైరెక్టర్ రాజమౌళి. దీంతో ఈ జోడీకి చిత్రసీమలో ప్రత్యేకమైన గుర్తింపు వచ్చింది. ఈ నేపథ్యంలో తాజాగా ఓ మీడియా సంస్థతో ముచ్చటించిన రాజమౌళి.. గురించి మాట్లాడిన మాటలు సంచలనంగా మారాయి. ఈ లాక్‌డౌన్ సమయంలో సరదాగా కాసేపు ఆన్‌లైన్ ఇంటర్వ్యూ ఇచ్చిన రాజమౌళి.. సినిమా సంగతులు, తన ఫ్యూచర్ ప్రాజెక్ట్స్ లాంటి విషయాలపై మాట్లాడారు. ఈ మేరకు రెబల్ స్టార్ ప్రభాస్‌పై మీ అభిప్రాయం ఏంటని యాంకర్ అడగగానే.. ప్రభాస్ తనకు చాలాచాలా దగ్గర అని చెప్పారు. ప్రభాస్ అంటే తనకు ఎంతో ఇష్టమని అన్నారు. ఒక్క యాక్టింగ్ మాత్రమే కాదు ప్రభాస్‌లో ఇంకా చాలా సుగుణాలు ఉన్నాయని రాజమౌళి చెప్పుకొచ్చారు. ''ప్రభాస్ చూడటానికి చాలా రిసర్వ్డ్‌గా ఉంటాడు. ఒకవేళ మాట్లాడినా ఓ ఎర్రి బాగులోడు, ఏమీ తెలియనోడు మాట్లాడినట్లు ఉంటుంది. కానీ అదంతా కవరింగ్ మాత్రమే. తన ఫ్రెండ్స్, ఆత్మీయులు అనుకుంటే అప్పుడు ఆ కవర్ ఓపెన్ చేస్తాడు. ఇన్‌సైడ్ ప్రభాస్ వేరే ఉంటాడు. ఒక్క మాటలో చెప్పాలంటే ప్రభాస్‌లో ఓ ఫిలాసఫర్ దాగి ఉన్నాడు. ఇతరుల మెటాలిటీ, మానవత్వం, మానవత్వ విలువలు అర్థం చేసుకొని మెదులుతుంటాడు'' అని రాజమౌళి అన్నారు. ఇకపోతే ఇప్పుడున్న డైరెక్టర్లలో సుకుమార్ డైరెక్షన్ అంటే తనకు ఇష్టమని రాజమౌళి చెప్పారు. ఆయన కథను నేరేట్ చేసే విధానం తనకు బాగా నచ్చుతుందని అన్నారు. అలాగే ఓ వెబ్ సిరీస్ రూపొందించాలని ప్లాన్ చేస్తున్నట్లు చెప్పారు. నాలుగేళ్లుగా ఆ ఆలోచన ఉందని అన్నారు. ప్రస్తుతం వెబ్ సిరీస్‌లు, డాక్యుమెంటరీలు చూస్తున్నానని రాజమౌళి చెప్పారు.
from Telugu Movie News | Movie News in Telugu | Movie Gossips in Telugu https://ift.tt/2wUUIR2
No comments:
Post a Comment