యంగ్ రెబల్ స్టార్‌ హీరోగా తెరకెక్కుతున్న తాజా చిత్రం చిత్రీకరణ జరుగుతోంది. సాహో తరువాత ప్రభాస్‌ నటిస్తున్న సినిమా కావటంతో ఈ మూవీపై కూడా భారీ అంచనాలు ఉన్నాయి. జిల్‌ ఫేం రాధాకృష్ణ దర్శకత్వంలో రూపొందుతున్న ఈ సినిమాను యూవీ క్రియేషన్స్‌తో కలిసి ప్రభాస్‌ పెదనాన గోపీకృష్ణ మూవీస్‌ బ్యానర్‌పై నిర్మిస్తున్నాడు. ఇటీవల ఈ సినిమా షూటింగ్ తిరిగి ప్రారంభమైంది. పీరియాడిక్‌ రొమాంటిక్‌ డ్రామాగా తెరకెక్కుతున్న సినిమా కావటంతో ఈ మూవీలో ప్రభాస్‌ లుక్ ఎలా ఉండబోతుందా అని అభిమానులు ఆసక్తిగా ఎదురుచూస్తున్నారు. అయితే తాజాగా బయటకు వచ్చిన ప్రభాస్‌ ఫోటోలు సోషల్‌ మీడియాలో వైరల్‌గా మారాయి. ప్రభాస్‌ కొత్త సినిమా లుక్ ఇదేనంటూ ఆ ఫోటోలను షేర్‌ చేస్తున్నారు అభిమానులు. Also Read: రెబల్ స్టార్‌పుట్టిన రోజు వేడుకలను కుటుంబ సభ్యులు సన్నిహితుల సమక్షంలో ఘనంగా నిర్వహించారు. ఈ వేడుకల్లో ప్రభాస్‌ కూడా పాల్గొన్నాడు. కాస్త బరువు తగ్గి హ్యాండ్సమ్‌ లుక్‌లోకి మారిపోయాడు యంగ్ రెబల్ స్టార్‌. ఈ వేడుకల్లో ప్రభాస్‌తో పాటు మోహన్‌ బాబు, మంచు విష్ణు, సతీష్ వేగేశ్న ఇతర సినీ ప్రముఖులు కుటుంబ సభ్యులు పాల్గొన్నారు. ఈ వేడుకలకు రెండు రోజుల ముందే పరుచూరి గోపాలకృష్ణ ఆధ్వర్యంలో కృష్ణంరాజు బర్త్‌డే వేడుకలు జరిగాయి. ఈ సందర్భంగా ప్రభాస్‌ కొత్త సినిమాపై ఆసక్తికర వ్యాఖ్యలు చేశాడు కృష్ణంరాజు. ఇప్పుడు ప్రభాస్‌ స్వయంగా కెమెరాలకు చిక్కడంతో అభిమానులు పండగ చేసుకుంటున్నారు. Also Read: ఇటలీ నేథప్యంలో పీరియాడిక్‌ రొమాంటిక్‌ డ్రామాగా తెరకెక్కుతున్న ఈ సినిమాలో పూజా హెగ్డే హీరోయిన్‌గా నటిస్తోంది. సాహో సెట్స్‌ మీద ఉండగానే ఈ సినిమాకు సంబంధించిన తొలి షెడ్యూల్‌ షూటింగ్ ఇటలీలో పూర్తయ్యింది. రెండో షెడ్యూల్‌ ప్రస్తుతం హైదరాబాద్‌లో చిత్రీకరణ జరుగుతోంది. తరువాత మరో మూడు నెలల పాటు విదేశాల్లో చిత్రీకరించేందుకు ప్లాన్ చేస్తున్నారు చిత్రయూనిట్. ఈ సినిమాను ఈ ఏడాది చివర్లో లేదా.. వచ్చే సంవత్సరం వేసవి సెలవుల్లో రిలీజ్ చేసేందుకు ప్లాన్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/30Jqjj6
No comments:
Post a Comment