టీమిండియా కెప్టెన్ విరాట్ కోహ్లీ ఈరోజు 32వ బర్త్‌డే జరుపుకుంటున్నాడు. తన బర్త్‌డే సందర్భంగా భార్య అనుష్క శర్మను తీసుకుని వెకేషన్ ఎంజాయ్ చేసేందుకు భూటాన్ వెళ్లాడు. అక్కడ దంపతులు ఇద్దరూ కొద్ది రోజులుగా ట్రెక్కింగ్ చేస్తున్నారు. విరాట్ బర్త్‌డే సందర్భంగా అనుష్క సోషల్ మీడియాలో ఓ పోస్ట్ పెట్టారు. ‘ఈరోజు మేం 8.5 కిలోమీటర్ల పాటు ట్రెక్కింగ్‌కి వెళుతూ ఓ పర్వతంపై ఉన్న చిన్న గ్రామానికి వెళ్లాం. అక్కడ నాలుగు నెలల దూడ కనిపించింది. దానికి ఫుడ్ పెట్టేందుకు వెళ్లాం. ఆ దూడ యజమాని మమ్మల్ని చూసి అలసిపోయాం అనుకున్నారు. మమ్మల్ని తమ ఇంట్లోకి ఆహ్వానించారు. టీ తాగుతారా అని అడిగారు. మేం వారి అందమైన ఇంట్లోకి వెళ్లాం. వారికి మేం ఎవరో కూడా తెలీదు. కానీ మమ్మల్ని ఎంతో ప్రేమగా ఆదరించారు. వారితో కాసేపు కబుర్లు చెప్పాం. టీ తాగాం. వారికి మేం అలసిపోయిన ట్రెక్కర్స్ అని మాత్రమే తెలుసు. కానీ నా గురించి, విరాట్ గురించి బాగా తెలిసినవారికి మేమిద్దరం ఇలాంటి సింపుల్ మొమెంట్స్‌ను చాలా ఎంజాయ్ చేస్తామని బాగా తెలుసు. ఇలాంటి అందమైన మధురానుభూతులు మమ్మల్ని చాలా సంతోషపరుస్తాయి. అసలైన జీవితానికి అర్థం ఇది కాకపోతే మరేంటో నాకు తెలీదు. ఈ జ్ఞాపకాన్ని జీవితాంతం గుర్తుంచుకుంటాను’ అని అనుష్క పోస్ట్‌లో పేర్కొన్నారు. అనుష్క పెట్టిన ఈ పోస్ట్‌కు 19 లక్షల మంది లైక్ చేశారు. సమంత, అదితి రావు హైదరి, రుహాని శర్మ, ఆయుష్మాన్ ఖురానా తదితర సెలబ్రిటీలు ఇది నిజమేనంటూ కామెంట్లు చేశారు. మరోపక్క వరల్డ్స్ నెంబర్ వన్ బ్యాట్స్‌మన్ విరాట్ కోహ్లీ ప్రపంచవ్యాప్తంగా ఉన్న అభిమానుల నుంచి విషెస్ వెల్లువెత్తుతున్నాయి. మరో వారం రోజుల పాటు అనుష్క, విరాట్ భూటాన్‌లోనే ఉంటారని తెలుస్తోంది. వెకేషన్ నుంచి వచ్చిన తర్వాత అనుష్క తన తదుపరి ప్రాజెక్ట్ వివరాలు ప్రకటించే అవకాశం ఉంది. దాదాపు ఏడాదిగా ఆమె సినిమాలకు దూరంగా ఉంటూ నిర్మాతగా ఆఫ్ స్క్రీన్ పనులు చూసుకుంటోంది.
from Telugu Movie News | Movie News in Telugu | Movie Gossips in Telugu https://ift.tt/33h9kFl
No comments:
Post a Comment