1995లో వచ్చిన ‘వీర్ఘటి’ సినిమాలో బాలీవుడ్ సూపర్స్టార్ సల్మాన్ ఖాన్కు జోడీగా నటించిన సినిమాల్లేక టిఫిన్ సెంటర్ నడుపుకుంటూ బతికేస్తున్నారు. కొన్ని నెలల క్రితం క్షయ వ్యాధితో బాధపడుతూ డబ్బుల్లేక దిక్కులేని స్థితిలో హాస్పిటల్లో పడి ఉండటం వైరల్ అయిన సంగతి తెలిసిందే. తన పరిస్థితిని వివరిస్తూ సోషల్ మీడియాలో వీడియో పోస్ట్ చేయడంలో అది అందరికీ చేరువైంది. అప్పుడు వెంటనే స్పందించిన సల్మాన్ ఆమె చికిత్సకు ఆర్థిక సాయం చేశారు. ఇప్పుడు ఆమె కోలుకున్నారు. అయితే సినిమాల్లో అవకాశాలు రాకపోవడంతో బతుకు తెరువు కోసం ఓ చిన్న టిఫిన్ సెంటర్ నడుపుతున్నారు. ‘చిత్ర పరిశ్రమలోని నా స్నేహితులను కలిసి పని కావాలని అడుగుతున్నాను. వారు నాకు సాయం చేస్తానని మాటిచ్చారు. నాకు జాలి అవసరం లేదు. నాకు సినిమాల్లో మళ్లీ పని ఇప్పిస్తే చాలు. నేను మంచి నటిని. ఇప్పటికీ బాగా నటించగలను. నా గురించి తెలిసి పలువురు సినీ ప్రముఖులు దిగ్భ్రాంతి వ్యక్తం చేశారని తెలిసింది. వారు నాకు సినిమాల్లో అవకాశం ఇస్తానని చెప్పారు. కానీ ఇప్పటివరకు ఏ సినిమాలోనూ అవకాశం రాలేదు. నా దగ్గర డబ్బులేదు. కానీ కాన్ఫిడెన్స్ ఉంది. పొట్ట నింపుకోవడానికి ఏం చేయాలో తెలీలేదు. అప్పుడు నా స్నేహితుడైన డైరెక్టర్ రాజేంద్ర సింగ్ టిఫిన్ సెంటర్ పెట్టుకోమని సలహా ఇచ్చాడు. అందుకు కావాల్సిన సామాన్లను కూడా అతనే కొనిచ్చాడు. నాకు దేవుడిపై నమ్మకం ఉంది. ఏదో ఒక రోజు నాకు సినిమాల్లో అవకాశం వస్తుంది. నా చికిత్స కోసం సాయం చేసిన సల్మాన్ను ఓసారి కలిసి మనసారా ధన్యవాదాలు చెప్పుకోవాలని ఉంది. అతను నాకు దేవుడితో సమానం’ అని వెల్లడించారు. గతేడాది హాస్పిటల్లో చికిత్స పొందుతున్న పూజ ఫొటో బయటికి రావడం బాలీవుడ్ సినీ ప్రముఖులను షాక్కు గురిచేసింది. టీబీ అని తెలిసి అయినవాళ్లు కూడా హాస్పిటల్లో వదిలేసి వెళ్లిపోయారట. విషయం తెలుసుకున్న సల్మాన్ సమయానికి ఆదుకున్నారు కాబట్టి సరిపోయింది. హిందీలో ‘హిందుస్థాన్’, ‘సింధూర్ కీ సౌగంధ్’, ‘మేడమ్ నెం 1’ తదితర సినిమాల్లో పూజా నటించారు.
from Telugu Movie News | Movie News in Telugu | Movie Gossips in Telugu https://ift.tt/2QQV6aT
No comments:
Post a Comment