నటీమణుల ఫొటో షూట్లకు ఎప్పుడూ విపరీతమైన క్రేజ్ ఉంటుంది. ఇదివరకు నాలుగు గోడల మధ్యలో, లేకపోతే ప్రకృతి ఒడిలో నిలబడి ఫొటోలకు పోజులిచ్చేవారు. ఇప్పుడు ట్రెండ్ మారింది. ఫొటోలో హీరోయిన్ అందంగా ఉంటే సరిపోదు, ఫొటో కూడా అంతే అందంగా ఉండాలని ఫ్యాన్స్ షరతులు పెడుతున్నారు. అందుకే నటీమణులు ఎప్పటికప్పుడు కొత్త ట్రెండ్స్ క్రియేట్ చేస్తున్నారు. తాజాగా బాలీవుడ్ బ్యూటీ అండర్ వాటర్ ఫొటో షూట్‌లో పాల్గొన్నారు. ప్రముఖ మ్యాగజైన్ వోగ్ కోసం ఆలియా ఈ షూట్‌లో పాల్గొన్నారు. ఓ అందమైన స్విమ్మింగ్ పూల్‌లో కళ్లు చెదిరే బికినీలు, డ్రెస్సులు వేసుకుని పూర్తిగా నీళ్లలో మునిగి ఆలియా ఫొటోలకు పోజులిచ్చారు. ఫొటో సరిగ్గా వచ్చేవరకు ఆలియా ఊపిరి బిగపట్టి కదలకుండా ఉండాలి. అలా చేయడం కష్టమే కాదు డేంజర్ కూడా. ఎందుకంటే ఊపిరి బిగపట్టి నీటిలో కాసేపు ఉండడం అందరికీ రాదు. ఎంతో ప్రాక్టీస్ చేస్తే కానీ అలా ఉండలేం. అలాంటిది ఆలియా నీళ్లలో చాలా సేపు ఉండటమే కాదు ఫొటోలకు సరిపోయే పోజులు కూడా ఇచ్చారు. ఆలియాలాగే ఆమె ఫొటోలు కూడా చాలా సెక్సీగా ఉన్నాయి. ఈ ఫొటోలను ఆలియా సోషల్ మీడియాలో పోస్ట్ చేయగానే దాదాపు 20 లక్షలకు మందికి పైగా లైక్ చేశారు. అంటే అవి ఎంత సెక్సీగా ఉన్నాయో ఊహించవచ్చు. అభిమానులే కాదు సినీ ప్రముఖులు కూడా ఈ కొత్త ట్రెండ్‌కు ఫిదా అవుతున్నారు. అయితే ఇలాంటివి చూసి సొంతంగా ప్రయత్నించకపోవడమే మంచిది. సెలబ్రిటీల విషయం వేరు. వారి పక్కనే బాడీగార్డ్స్ కూడా ఉంటారు. ఏదన్నా అయితే క్షణాల్లో కాపాడేందుకు సిద్ధంగా ఉంటారు. కాబట్టి ఇలాంటి ఎవరైనా ట్రై చేయాలనుకుంటే ప్రొఫెషనల్స్ సాయం తీసుకోవడం ఉత్తమం. ఆలియా సినిమాల విషయానికొస్తే.. ప్రస్తుతం ఆమె ‘ఆర్ ఆర్ ఆర్’ సినిమాతో బిజీగా ఉన్నారు. దర్శకధీరుడు ఎస్ ఎస్ రాజమౌళి తెరకెక్కిస్తున్న ఈ సినిమాలో ఆలియా రామ్ చరణ్ భార్య పాత్రలో నటిస్తున్నారు. ఎన్టీఆర్ మరో కథానాయకుడిగా నటిస్తున్నారు. ఆలియా నటిస్తున్న తొలి సినిమా ఇది. దీంతో పాటు హిందీలో బ్రహ్మాస్త్ర, సడక్ 2, తఖ్త్ సినిమాల్లోనూ నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2Nm16pS
No comments:
Post a Comment