సినీ పరిశ్రమలో డేటింగ్, లింకప్ రూమర్స్ చాలా కామన్. ఇలాంటి రూమర్స్ వల్ల కొందరికి పాపులారిటీ వస్తుంది, మరికొందరికి చిరాకు వస్తుంది. ఇప్పటికే ప్రభాస్, అనుష్క, ప్రభాస్ కాజల్, సాయి ధరమ్ తేజ్, రెజీనా.. ఇలా ఎందరో హీరో, హీరోయిన్ల గురించి గాసిప్స్ వైరల్ అయ్యాయి. తాజాగా నటి రకుల్ ప్రీత్ సింగ్‌కి కూడా ఇలాంటి అనుభవమే ఎదురైంది. రకుల్, రానా దగ్గుబాటి డేటింగ్‌లో ఉన్నారని బాలీవుడ్ వర్గాలు అనుకుంటున్నాయి. రకుల్ నటించిన ‘మర్జావా’ సినిమా ప్రమోషన్స్ కోసం బాలీవుడ్ నటి సోఫీ చౌదరి హోస్ట్ చేస్తున్న ఓ షోలో పాల్గొంది. ఈ షోలో సోఫీ రకుల్‌ను ఈ ప్రశ్న అడిగింది. ‘మీరు రానాతో డేటింగ్‌లో ఉన్నారట? గతంలో మీ ఇద్దరి గురించి చాలా రూమర్స్ వచ్చాయి. వాటి సంగతేంటి ’ అని అడిగింది. ఇందుకు రకుల్ కూడా షాకైంది. ఎందుకంటే వీరిద్దరి కాంబినేషన్‌లో ఇప్పటివరకు ఒక్క సినిమా వచ్చింది లేదు. అలాంటిది వీరిద్దరూ డేటింగ్‌లో ఉన్నారని వారికి ఎలా అనిపించిందో ఏమో. ఈ ప్రశ్నకు రకుల్ స్పందిస్తూ.. ‘ఓ మై గాడ్. మేం నైబర్స్. మంచు లక్ష్మి నాకు క్లోజ్ ఫ్రెండ్. మా ఫ్రెండ్స్ గ్యాంగ్‌లో రానా ఒకడు. నేను ఇండస్ట్రీకి వచ్చినప్పటి నుంచి రానా నాకు ఫ్రెండ్’ అని క్లారిటీ ఇచ్చింది. ఇప్పటివరకు రకుల్ మరో హీరోతో డేటింగ్‌లో ఉందన్న గాసిప్స్ ఎప్పుడూ రాలేదు. అయితే రానా మాత్రం గతంలో ప్రముఖ నటి త్రిషతో డేటింగ్ చేశాడు. పెళ్లి కూడా చేసుకోవాలని అనుకున్నారు. కానీ ఇద్దరికీ కుదరలేదు. ఈ విషయాన్ని రానా స్వయంగా ఓ ఇంటర్వ్యూలో వెల్లడించారు. అయితే రానా, త్రిష ఇంటిమేట్ ఫొటోలు బయటికి రావడం అప్పట్లో కలకలం రేపింది. ఇలాంటి వాటి గురించి నేను అస్సలు పట్టించుకోను అని రానా తెగేసి చెప్పాడు. ఇకపోతే రకుల్ బాలీవుడ్‌లో మంచి జోరు మీదుంది. ఆమె నటించిన ‘మర్జావా’ సినిమా త్వరలో ప్రేక్షకుల ముందుకు రానుంది. ఇప్పుడు అర్జున్ కపూర్‌తో కలిసి ఓ సినిమాలో నటిస్తోంది. త్వరలో నాలుగు ప్రాజెక్ట్‌లను ప్రకటిస్తానని రకుల్ వెల్లడించింది.
from Telugu Movie News | Movie News in Telugu | Movie Gossips in Telugu https://ift.tt/2oQeKbc
No comments:
Post a Comment