గ్లోబల్ స్టార్ కోసం ఖరీదైన బహుమతిని ఇచ్చాడు భర్త నిక్ జొనాస్. ప్రస్తుతం ప్రియాంక అమెరికాలోని లాస్ ఏంజెల్స్‌లో నిక్ జొనాస్‌కి చెందిన బ్యాచిలర్స్ హౌస్‌లో ఉంటోంది. పెళ్లి కాకముందు నిక్ అక్కడే ఉండేవాడు. పెళ్లయ్యాక ఓ మంచి భవనం కొనుక్కోవాలని అనుకున్నారు. అప్పటివరకు ప్రియాంక నిక్ బ్యాచిలర్స్ హౌస్‌లోనే ఉండేవారు. అయితే ఇటీవల లాస్ ఏంజెల్స్‌లో ప్రియాంక, నిక్ కలిసి ఓ ఖరీదైన ప్రాపర్టీని కొనుగోలు చేశారట. దాని ధరెంతో తెలుసా? 20 మిలియన్ డాలర్స్. అంటే మన కరెన్సీలో అక్షరాలా రూ.144 కోట్లు. ఈ భవనం మొత్తం 20వేల చదరపు అడుగులు ఉందట. ఈ భవనంలో ఏడు పడక గదులు, 11 బాత్రూమ్స్ ఉన్నాయట. నిక్‌తో పాటు అతని సోదరుడు జో జోనాస్ కూడా వారి ఇంటికి కొన్ని అడుగుల దూరంలో మరరో ప్రాపర్టీని కొనుగోలు చేశాడు. దాని ధర 14.1 మిలియన్ డాలర్స్. అయితే నిక్ ఇంటి కంటే జో ఇల్లు కాస్త చిన్నది. కాకపోతే ఇందులో పది బెడ్రూమ్స్, 14 బాత్రూమ్స్ ఉన్నాయి. ప్రియాంకతో పెళ్లి జరిగాక ఎప్పటినుంచో తన బ్యాచిలర్స్ హౌస్‌ను అమ్మేయాలని నిక్ అనుకుంటున్నాడు. సరిగ్గా వారి తొలి పెళ్లి రోజు దగ్గరపడే సమయానికి ఓ భారీ భవనాన్ని కొనేసుకున్నారు. వీరి తొలి పెళ్లి రోజును తమ కొత్త నివాసంలో ఘనంగా సెలబ్రేట్ చేసుకోబోతున్నారట. బంధువులను, స్నేహితులను పిలిపించి గ్రాండ్‌గా సెలబ్రేషన్స్ చేసుకోబోతున్నట్లు తెలుస్తోంది. గతేడాది డిసెంబర్‌లో రాజస్థాన్‌లోని ఉమైద్ భవన్‌లో ప్రియాంక, నిక్ జొనాస్‌ల వివాహం ఘనంగా జరిగింది. ఆ తర్వాత ప్రియాంక తన మకాంను అమెరికాకు మార్చేశారు. బాలీవుడ్‌లో సినిమాలకు సంతకం చేస్తేనే ఆమె ముంబయి వస్తున్నారు. లేకపోతే అమెరికాలోనే ఉంటున్నారు. ప్రస్తుతం ప్రియాంక ‘ది వైట్ టైగర్’ అనే సినిమాతో బిజీగా ఉన్నారు. ఇందులో రాజ్ కుమార్‌రావు కథానాయకుడిగా నటిస్తున్నాడు.
from Telugu Movie News | Movie News in Telugu | Movie Gossips in Telugu https://ift.tt/353QCS3
No comments:
Post a Comment