‘తిప్పరా మీసం’ ట్విట్టర్ రివ్యూ: శ్రీవిష్ణు మీసం తిప్పేశాడు.. బొమ్మ హిట్టు

టాలీవుడ్‌లో క్యారెక్టర్ ఆర్టిస్టుగా ప్రయాణం మొదలుపెట్టి హీరోగా మారిన నటుడు శ్రీవిష్ణు. ఇండస్ట్రీలో తాను ఎదగడానికి ప్రాణ స్నేహితుడు నారా రోహిత్ సహాయం తీసుకున్నా ఆ తరవాత స్వశక్తితో తానేంటో నిరూపించుకున్నారు శ్రీవిష్ణు. వైవిధ్యమైన కథలు, పాత్రలు ఎంపిక చేసుకుంటూ తనకంటూ ఒక ప్రత్యేకమైన ఫ్యాన్ ఫాలోయింగ్‌ను ఏర్పరుచుకున్నారు. శ్రీవిష్ణు నుంచి సినిమా వస్తుందంటే ఏదో కొత్తదనం ఉంటుందనే నమ్మకాన్ని తెలుగు ప్రేక్షకుల్లో నింపగలిగారు. అలాంటి శ్రీవిష్ణు హీరోగా నటించిన తాజాగా చిత్రం ‘తిప్పరా మీసం’. ‘అసుర’ ఫేమ్ విజయ్ కృష్ణ దర్శకత్వం వహించారు. రిజ్వాన్ ఎంటర్‌టైన్మెంట్స్, కృష్ణ విజయ్ ఎల్ ప్రొడక్షన్స్ పతాకాలపై శ్రీ హోమ్ సినిమాస్ సమర్పణలో యువ నిర్మాత రిజ్వాన్ నిర్మించారు. నిక్కి తంబోలి హీరోయిన్‌గా నటించింది. సీనియర్ నటి రోహిణి హీరో తల్లి పాత్ర పోషించారు. టైటిల్‌తోనే మంచి హైప్ క్రియేట్ చేసిన ఈ సినిమా శుక్రవారం ప్రేక్షకుల ముందుకు వచ్చింది. ఇప్పటికే యూఎస్‌లో ప్రీమియర్ షోలు ప్రదర్శితమయ్యాయి. అక్కడ సినిమా చూసిన వాళ్లు ట్విట్టర్ ద్వారా తమ అభిప్రాయాలను వెల్లడిస్తున్నారు. సినిమా చాలా బాగుందని చెబుతున్నారు. Also Read: ముఖ్యంగా ఈ సినిమాలో తల్లీకొడుకుల సెంటిమెంట్ అద్భుతంగా పండిందట. తల్లీకొడుకులుగా రోహిణి, శ్రీవిష్ణు అద్భుతంగా చేశారని, ఆ పాత్రల్లో జీవించారని కొనియాడుతున్నారు. సినిమా ఆఖరి 30 నిమిషాలు అయితే చెప్పడానికి మాటలు సరిపోవు అంటున్నారు. అలాగే, ఇంటర్వెల్ సీన్ అయితే బాక్సు బద్దలైపోవడం ఖాయమని ఒక ప్రేక్షకుడు ట్వీట్ చేశారు. ‘ఛత్రపతి’ తరవాత తెలుగులో మదర్ సెంటిమెంట్‌ను అంత బాగా చూపించిన చిత్రం ‘తిప్పరా మీసం’ అని మరికొందరు కొనియాడుతున్నారు. దీనికితోడు సురేష్ బొబ్బిలి అందించిన బ్యాక్ గ్రౌండ్ స్కోర్ సినిమా స్థాయిని పెంచిందని టాక్. Also Read: మొత్తంగా ఉదయం నుంచి ఈ సినిమాకు పాజిటివ్ టాక్ అయితే బాగా వినిపిస్తోంది. ఎంత పాజిటివ్ టాక్ ఉన్నా.. సినిమాలో నెగిటివ్స్‌ను కూడా వెతికే విమర్శకులు ఉంటారు కదా. వాళ్లయితే సినిమా బాగుంది కానీ.. ఫస్టాఫ్‌లో కాస్త సాగదీసిన ఫీలింగ్ కలిగిందంటున్నారు. అలాగే కథనం కూడా చాలా నెమ్మదిగా వెళ్తుందట. అయితే, ఫస్టాఫ్ కాస్త నెమ్మదిగా ఉన్నా సెకండాఫ్ బాగుంటే సినిమా హిట్టే. ‘తిప్పరా మీసం’ విషయంలో ఇదే జరిగిందని అర్థమవుతోంది. ఎందుకంటే చాలా సినిమాలు ఆఖరి 30 నిమిషాలు, క్లైమాక్స్ సీన్లతో బ్లాక్ బస్టర్ హిట్లుగా నిలిచాయి. చూద్దాం శ్రీవిష్ణు ఏ రేంజ్ హిట్టుకొడతారో..!

from Telugu Movie News | Movie News in Telugu | Movie Gossips in Telugu https://ift.tt/2WSJyok