యంగ్ రెబెల్ స్టార్ ప్రభాస్ నటించిన ‘సాహో’ సినిమాలో కీలక పాత్రను దక్కించుకున్న బాలీవుడ్ నటి పెళ్లి పీటలెక్కబోతోంది. ఆస్ట్రేలియాకు చెందిన తుషాన్ భింది అనే వ్యక్తితో ఎవ్లిన్ ఏడాదిగా డేటింగ్లో ఉంది. వీరి ప్రేమకు ఇద్దరి ఇంట్లో వారు అంగీకారం తెలపడంతో సోమవారం నిశ్చితార్థం చేసుకున్నారు. తుషాన్ ఆస్ట్రేలియాలో వ్యాపారం చేస్తుంటాడు. ఇతను డెంటల్ సర్జన్ కూడా. సోమవారం ఆస్ట్రేలియాలోని సిడ్నీలోని ప్రముఖ హార్బర్ బ్రిడ్జ్ సమీపంలో ఓ పడవపై వీరి నిశ్చితార్థం ఘనంగా జరిగింది. పడవపై ప్రియుడిని ముద్దు పెట్టుకుంటున్న ఫొటోను ఎవ్లిన్ ఇన్స్టాగ్రామ్లో షేర్ చేశారు. పడవపై తుషాన్ ‘నన్ను పెళ్లి చేసుకుంటావా?’ అని ఎవ్లిన్ను అడిగాడు. ఇందుకు ఎవ్లిన్ యస్ అని చెప్పడంతో ఆమె వేలికి ఉంగరం తొడిగి ముద్దిచ్చాడు. ఎవ్లిన్ కోసం తుషాన్ ఆమెకు నచ్చిన పాటలు వాయించేలా ఓ గిటారిస్ట్ని కూడా పెట్టించాడట. ‘నా కల నిజమైంది. తనకు నా గురించి బాగా తెలుసు. అతను నన్ను ప్రపోజ్ చేసిన తీరు నాకు చాలా పర్ఫెక్ట్గా ఉంది. గతేడాది మా ఇద్దరికీ ఉన్న కామన్ ఫ్రెండ్ ద్వారా మేమిద్దరం కలుసుకున్నాం. తుషాన్ చాలా రొమాంటిక్. ఇంకా పెళ్లి తేదీ ఖరారు కాలేదు. అన్నీ కుదిరాక నేనే ప్రకటిస్తాను. ఇప్పటికైతే మేమిద్దరం లైఫ్ ఎంజాయ్ చేయాలనుకంటున్నాం. పెళ్లయ్యాక తనతో పాటు ఆస్ట్రేలియాకు వెళ్లిపోవాలనుకుంటున్నాను. ప్రపంచం మొత్తంలో నాకు సిడ్నీ నగరం అంటే ఎంతో ఇష్టం. ఇండియాలోనూ ఓ ఇల్లు కట్టించుకుంటాం’ అని వెల్లడించింది. ‘సాహో’ సినిమాలో ఎవ్లిన్ కీలక పాత్ర పోషించింది. తెలుగులో ఆమె నటించిన తొలి సినిమా ఇది. ఈ సినిమాలో ఆమె యాక్షన్ సన్నివేశాల్లోనూ యాక్ట్ చేసింది. హిందీలో ‘యే జవానీ హై దివానీ’, ‘యారియా’ తదితర చిత్రాల్లో ఎవ్లిన్ సపోర్టింగ్ నటి పాత్రను పోషించింది. ఈ సాహో భామకు పెళ్లైపోతోంది. అసలైన సాహో భామ మాత్రం తన పెళ్లి గురించి ఏమీ ప్రకటించడంలేదు. అదేనండీ.. శ్రద్ధా కపూర్. కొంతకాలంగా శ్రద్ధ.. ప్రముఖ సెలబ్రిటీ ఫొటోగ్రాఫర్ రోహన్ శ్రేష్ఠాతో ప్రేమలో ఉన్నట్లు వార్తలు వస్తున్నాయి. ఇప్పుడు శ్రద్ధ వయసు 32. ఇంకా పెళ్లి గురించి ఎలాంటి ప్రకటనల చేయడంలేదు. మరి శ్రద్ధ మనసులో ఏముందో ఏమో..!
from Telugu Movie News | Movie News in Telugu | Movie Gossips in Telugu https://ift.tt/35heBOk
No comments:
Post a Comment