బాక్సాఫీస్ను కలకలలాడించే జిగేలు రాణి.. తన అందంతో వెండితెరపై వెన్నెల పూయించే అరవింద... మోడలింగ్ రంగం నుంచి వెండితెర మీద అడుగుపెట్టిన ఈ తరం శ్రీదేవి.. పూజా హెగ్డే. టాలీవుడ్లో వరుస సినిమాలతో దూసుకుపోతున్న ఈ అందాల భామ పుట్టిన రోజు నేడు(అక్టోబర్ 13). ఈ పుట్టిన రోజు పూజకు ఎంతో స్పెషల్. ప్రస్తుతం ఈ భామ నటించిన టాలీవుడ్, బాలీవుడ్ చిత్రాలు రిలీజ్కు రెడీ అవుతున్నాయి. మోడలింగ్ రంగంలో సత్తా చాటిన పూజ తరువాత టెలివిజన్ కమర్షియల్స్తో దర్శక నిర్మాతల దృష్టిని ఆకర్షించింది. ఇప్పుడు తెలుుగు, హిందీ భాషల్లో బిజీగా ఉన్నా.. ఈ భామ వెండితెరకు పరిచయం అయ్యింది మాత్రం తమిళ ఇండస్ట్రీ నుంచి. 2012లో రిలీజ్ మూగముడి సినిమాతో తెరంగేట్రం చేసింది పూజా. ఆ తరువాత ఇంతవరకు కోలీవుడ్ లో మరో సినిమా చేయలేదు. Also Read: తొలి సినిమా ఆశించిన స్థాయి విజయం సాధించకపోవటంతో రెండేళ్ల విరామం వచ్చింది. 2014లో నాగచైతన్య హీరోగా తెరకెక్కిన ఒక లైలా కోసం సినిమాతో టాలీవుడ్కు పరిచయం అయ్యింది ఈ బ్యూటీ. అదే ఏడాది వరుణ్ తేజ్ను హీరోగా పరిచయం చేస్తూ తెరకెక్కించిన ముకుంద సినిమాతో హీరోయిన్గా మంచి గుర్తి్ంపు తెచ్చుకుంది. అయితే ఆ రెండు సినిమాలు కమర్షియల్గా విజయం సాధించకపోవటంతో కెరీర్లో మరో రెండేళ్లు విరామం వచ్చింది. అదే సమయంలో బాలీవుడ్లో ఓ భారీ చిత్రంలో అవకాశం వచ్చింది. స్టార్ హీరో హృతిక్ రోషన్ సరసన ఓ చారిత్రక కథలో రాణి పాత్రలో నటించింది పూజ. మొహెంజోదారో సినిమాతో బాలీవుడ్కు పరిచయం అయిన పూజకు అక్కడ కూడా చేదు అనుభవమే ఎదురైంది. ఈ సినిమా కూడా ప్లాప్ కావటంతో ఆమె మీద ఐరన్లెగ్ ముద్ర వేశారు. Also Read: కానీ ఆ సెంటిమెంట్ను బ్రేక్ చేసిన సినిమా డీజే దువ్వాడ జగన్నాథ్. అల్లు అర్జున్ హీరోగా హరీష్ శంకర్ దర్శకత్వంలో తెరకెక్కిన ఈ సినిమాతో తొలి కమర్షియల్ సక్సెస్ అందుకుంది పూజా హెగ్డే. ఇక అక్కడి నుంచి పూజ కెరీర్లో వెనుదిరిగి చూసుకోవాల్సిన అవసరం రాలేదు. రంగస్థలం సినిమాలో ఐటమ్ నంబర్తో పాటు సాక్ష్యం సినిమాలో హీరోయిన్ రోల్తో టాలీవుడ్ టాప్ హీరోయిన్ల సరసన చేరింది ఈ బ్యూటీ. గత ఏడాది రిలీజ్ అయిన అరవింద సమేత వీర రాఘవ పూజా హెగ్డే కెరీర్ను మరో స్థాయికి చేర్చింది. ఈ సినిమాలో పూజా చేసిన అరవింద పాత్ర ఆమెకు నటిగానూ మంచి గుర్తింపు తీసుకువచ్చింది. అప్పటి వరకు గ్లామర్ రోల్స్కే పరిమితమైన పూజాలో మంచి నటి కూడా ఉందని పరిచయం చేసింది అరవింద సమేత. అరవింద సమేత సూపర్ హిట్ కావటంతో వరుసగా స్టార్ హీరోల సినిమాలతో ఫుల్ బిజీగా ఉంది ఈ బ్యూటి. మహేష్ బాబు సరసన నటించిన మహర్షి సినిమాతో మరో బిగ్ హిట్ను తన ఖాతాలో వేసుకున్న ఈ బ్యూటీ తాజాగా గద్దలకొండ గణేష్(వాల్మీకి) సినిమాలో అతిథిపాత్రలో ఆకట్టుకుంది. Also Read: ప్రస్తుతం పూజా హీరోయిన్గా నటించిన బాలీవుడ్ మూవీ హౌస్ఫుల్ 4, తెలుగు సినిమా అల వైకుంఠపురములో సినిమాలు రిలీజ్కు రెడీ అవుతున్నాయి. వీటితో పాటు ప్రభాస్ సరసన నటిస్తున్న మల్టీ లాంగ్వేజ్ సినిమా జాన్ షూటింగ్ త్వరలో తిరిగి ప్రారంభం కానుంది. ఇటలీలో జరిగే పీరియాడిక్ రొమాంటిక్ డ్రామాగా తెరకెక్కుతున్న ఈ సినిమా పూజా కెరీర్లో మరో మైల్ స్టోన్గా నిలుస్తుందన్న టాక్ వినిపిస్తోంది. ప్రస్తుతం వరుస సక్సెస్లతో మంచి ఫాంలో ఉన్న పూజా ముందు ముందు అదే ఊపు కొనసాగించాలని ఆశిస్తూ పుట్టిన రోజు శుభకాంక్షలు తెలియజేస్తోంది సమయం.
from Telugu Movie News | Movie News in Telugu | Movie Gossips in Telugu https://ift.tt/31e37bc
No comments:
Post a Comment